October 26, 2022
October 26, 2022
ന്യൂസ്‌റൂം ബ്യുറോ
ദോഹ : ലോകകപ്പിന്റെ ആവേശം പാട്ടിലാക്കി മലയാളികൾ ഒരുക്കിയ സംഗീത ആൽബം ഈ മാസം 27 ന് ദോഹയിൽ പുറത്തിറക്കും.പ്രശസ്ത സിനിമാ താരങ്ങൾ ഉൾപെടെ 2022 പേരുടെ ഫെയ്‌സ്ബുക് പേജിലൂടെയാണ് 'നെഞ്ചം കൊണ്ടേ' എന്ന് പേരിട്ടിരിക്കുന്ന സംഗീത ആൽബം പുറത്തിറക്കുകയെന്ന് സംഘാടകർ വാർത്താ സമ്മേളനത്തിൽ അറിയിച്ചു.
അരങ്ങിലും അണിയറയിലുമായി അറുപതിലേറെ താരങ്ങൾ അണിനിരക്കുന്ന ആൽബത്തിൽ ജാസി ഗിഫ്റ്റാണ് പാടിയിരിക്കുന്നത്.ജുനൈദ് മുഹമ്മദാണ് സംഗീതം.റമീസ് അസീസാണ് സംവിധാനം നിർവഹിച്ചത്.
നാലര മിനുട്ട് ദൈർഘ്യമുള്ള സംഗീത ആൽബത്തിൽ ഖത്തറിലെ അഭിനയ രംഗത്ത് സജീവമായ ഫൈസൽ അരിക്കാട്ടയിൽ,നാജിർ മുഹമ്മദ്,സന,ആർ.ജെ തുഷാര,ഹാഫിസ് അഷ്‌റഫ്,നിഷിദ,വിഷ്ണു,റഈസ് മെറ്റൽമാൻ എന്നിവർക്കൊപ്പം നിരവധി ഫുട്‍ബോൾ ഫാൻസ്‌ അസോസിയേഷൻ പ്രതിനിധികളും അഭിനയിക്കുന്നുണ്ട്.
വാർത്താസമ്മേളനത്തിൽ സംവിധായകൻ റമീസ് അസീസ്,ഫൈസൽ അരിക്കാട്ടയിൽ,ജിജേഷ് കൊടക്കൽ,സുനിൽ ഹസൻ തുടങ്ങിയവർ പങ്കെടുത്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക
