December 25, 2022
December 25, 2022
ന്യൂസ്റൂം ബ്യുറോ
ദോഹ: ഖത്തറിലെ പൊതുഗതാഗത സംവിധാനങ്ങൾ വൻ മുന്നേറ്റത്തിനൊരുങ്ങുന്നതായി റിപ്പോർട്ട്.മൊവാസലാത്ത് ബസുകൾക്കും കർവ ടാക്സികൾക്കും പുറമെ,ജലഗതാഗതം കൂടി പൊതുജങ്ങൾക്ക് ലഭ്യമാക്കിക്കണ്ടുള്ള വികസനക്കുതിപ്പിനാണ് ഖത്തർ തയാറെടുക്കുന്നത്.
അൽ വക്രയും അൽ ഖോറുമായി ബന്ധിപ്പിക്കുന്ന വാട്ടർ ടാക്സികളാണ് ഇതിൽ പ്രധാനമെന്നും ദോഹ മെട്രോ സർവീസ് ഇൻഡസ്ട്രിയൽ ഏരിയ, മെസഈദ് എന്നീ സ്ഥലങ്ങളിലേക്ക് വ്യാപിപ്പിക്കുമെന്നും അറബിക് പത്രമായ അൽ വതൻ റിപ്പോർട്ട് ചെയ്തു.
അൽ വക്റയെ അൽ ഖോറുമായി ബന്ധിപ്പിക്കുന്ന വാട്ടർ ടാക്സികളുടെ ആദ്യ ഘട്ടത്തിൽ എട്ടു സ്റ്റേഷനുകൾ ഉണ്ടായിരിക്കും -- ഹമദ് ഇന്റർനാഷണൽ എയർപോർട്ട്, ദോഹ പോർട്ട്, വെസ്റ്റ് ബേ, പേൾ ഖത്തർ, ലുസൈൽ എന്നിവ ഉൾപ്പെടും.
ഇപ്പോൾ 76 കിലോമീറ്ററും 37 സ്റ്റേഷനുകളുമുള്ള ദോഹ മെട്രോ 300 കിലോമീറ്റർ ആയി ഉയർത്തും. റെഡ്, ഗ്രീൻ, ഗോൾഡ്, ബ്ലൂ എന്നിങ്ങനെ നാല് ലൈനുകൾ ഉണ്ടായിരിക്കും.
റെഡ് ലൈൻ മെസഈദ് സിറ്റിയിലേക്കും ഗ്രീൻ ലൈൻ ഇൻഡസ്ട്രിയൽ ഏരിയ, മുഐതർ എന്നീ സ്ഥലങ്ങളിലേക്കും വ്യാപിപ്പിക്കുന്നതിന് പുറമേ 2050 ൽ ഒരു പുതിയ ബ്ലൂ ലൈൻ ആരംഭിക്കുമെന്നും റിപ്പോർട്ടിൽ പറയുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HHOGGyLPTMH45QRaxZQRyz എന്ന ലിങ്കിൽ ജോയിൻ ചെയ്യുക