October 11, 2021
October 11, 2021
ദോഹ: കോഴിക്കോട് ജില്ലയിൽ വടകര ചോറോട് സ്വദേശിയും ഖത്തർ കെ.എം.സി.സിയുടെ സജീവ പ്രവർത്തകനുമായിരുന്ന കിഴക്കേ കുറ്റിയിൽ ഖാലിദ്(38) ഖത്തറിൽ വാഹനാപകടത്തിൽ മരിച്ചു. ഇന്ന് രാവിലെ അൽഖോറിനടുത്ത് വെച്ചാണ് അപകടമുണ്ടായത്.കോസ്റ്റ് ഗാർഡിൽ ജോലിചെയ്യുന്ന ഇദ്ദേഹം, ജോലികഴിഞ്ഞ് താമസസ്ഥലത്തേക്കുള്ള മടക്കയാത്രക്കിടെ ഓടിച്ച ബൈക്ക് അപകടത്തിൽ പെടുകയായിരുന്നു. ഉടൻ ആശുപത്രിയിലെത്തിച്ചെങ്കിലും മരണപ്പെട്ടു.
ഭാര്യ വടകര തിരുവള്ളൂർ സ്വദേശി ആമിദ. രണ്ട് ആൺമക്കൾ.
മൃതദേഹം ഇപ്പോൾ അൽഖോർ ആശുപത്രി മോർച്ചറിയിൽ.ഇന്ന് രാത്രി ഖത്തർ സമയം 10 മണിക്ക് അൽഖോർ ആശുപത്രി പരിസരത്ത് മയ്യിത്ത് നമസ്കാരം നടക്കും.മൃതദേഹം നാളെ നാട്ടിലേക്ക് കൊണ്ടുപോകും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ 00974 66200167 എന്ന ഖത്തർ വാട്സ്ആപ് നമ്പറിൽ സന്ദേശമയക്കുക.
