March 23, 2023
March 23, 2023
ന്യൂസ്‌റൂം ബ്യൂറോ
ദോഹ: ബി-റിങ് റോഡില്‍ ലുലു എക്‌സ്പ്രസിന് സമീപമുള്ള മന്‍സൂറയില്‍ തകര്‍ന്ന കെട്ടിടത്തില്‍ നിന്ന് രണ്ട് സ്ത്രീകളെ ജീവനോടെ പുറത്തെടുത്തതായി ഖത്തര്‍ ആഭ്യന്തര മന്ത്രാലയം അറിയിച്ചു. ആവശ്യമായ വൈദ്യസഹായം ലഭ്യമാക്കുന്നതിന് അവരെ ആശുപത്രിയിലേക്ക് മാറ്റിയതായും ആഭ്യന്തര മന്ത്രാലയം ട്വീറ്റ് ചെയ്തു.
ബുധനാഴ്ച രാവിലെ 8നായിരുന്നു അപകടം. കെട്ടിടം തകരുന്ന സമയത്ത് അറ്റകുറ്റപ്പണികള്‍ നടന്നിരുന്നുവെന്നാണ് പ്രാഥമിക അന്വേഷണ റിപ്പോര്‍ട്ട്. അറ്റകുറ്റപ്പണികള്‍ ചെയ്തിരുന്നവര്‍ക്ക് ആവശ്യമായ പെര്‍മിറ്റുകളുണ്ടോ എന്ന് ഉറപ്പുവരുത്തും. അറ്റകുറ്റപ്പണികള്‍ കെട്ടിടത്തിന്റെ തകര്‍ച്ചയ്ക്ക് കാരണമായിട്ടുണ്ടോ എന്ന് പരിശോധിച്ച് നടപടികള്‍ സ്വീകരിക്കുമെന്നും മന്ത്രാലയം വ്യക്തമാക്കി.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക
https://chat.whatsapp.com/BA70KEJMeBmGW92ahNcBva
