October 17, 2022
October 17, 2022
ന്യൂസ്റൂം ബ്യുറോ
ദോഹ: ഫിഫ ലോകകപ്പിന് 34 ദിവസം ശേഷിക്കെ, ഏറ്റവും കൂടുതൽ ടിക്കറ്റ് സ്വന്തമാക്കിയ ആദ്യ പത്ത് രാജ്യങ്ങളുടെ വിവരങ്ങൾ സംഘാടകർ വ്യക്തമാക്കി.
തിങ്കളാഴ്ച നടന്ന വാർത്താസമ്മേളനത്തിൽ ഫിഫ ലോകകപ്പ് സി.ഒ.ഒ കോളിൻ സ്മിത്താണ് ഇക്കാര്യം വെളിപ്പെടുത്തിയത്. ഏകദേശം 3 ദശലക്ഷം ടിക്കറ്റുകൾ വിറ്റഴിച്ചതിൽ ഏറ്റവും കൂടുതൽ ടിക്കറ്റുകൾ സ്വന്തമാക്കിയത് ആതിഥേയ രാജ്യമായ ഖത്തർ തന്നെയാണ്- ആകെ വിറ്റഴിച്ച ടിക്കറ്റുകളുടെ 37 ശതമാനം.
രണ്ടാമത് അമേരിക്കയും മൂന്നാമത് സൗദി അറേബ്യയുമാണ്.ഇംഗ്ലണ്ട്, മെക്സിക്കോ, യുഎഇ, അർജന്റീന, ഫ്രാൻസ്, ബ്രസീൽ, ജർമ്മനി എന്നിവയാണ് തൊട്ടുപിറകിലുള്ള മറ്റു രാജ്യങ്ങൾ.
നവംബർ 20ന് ആതിഥേയരായ ഖത്തറും ഇക്വഡോറും തമ്മിൽ അൽ ബൈത്ത് സ്റ്റേഡിയത്തിൽ നടക്കുന്ന ഉദ്ഘാടന മത്സരത്തോടെയാണ് ലോകകപ്പ് ആരംഭിക്കുന്നത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക