August 18, 2022
August 18, 2022
ദോഹ :ലോകകപ്പ് ഫൈനൽ മത്സരവേദിയായ 80,000 പേരെ ഉൾക്കൊള്ളുന്ന ലുസൈൽ സ്റ്റേഡിയത്തിൽ നടക്കാനിരിക്കുന്ന ലുസൈൽ സൂപ്പർ കപ്പ് മത്സരങ്ങൾക്കുള്ള ടിക്കറ്റു വിൽപന ആരംഭിച്ചു..സെപ്തംബർ 9 വെള്ളിയാഴ്ച നടക്കുന്ന മത്സരത്തിൽ സൗദി പ്രൊഫഷണൽ ലീഗിൽ ജയിച്ചു വരുന്ന ടീമും ഈജിപ്ഷ്യൻ പ്രീമിയർ ലീഗ് ജേതാവും തമ്മിലാണ് കൊമ്പു കോർക്കുക.
ഓൺലൈൻ വഴി മാത്രമേ ടിക്കറ്റുകൾ ലഭ്യമാവൂ.മറ്റു കേന്ദ്രങ്ങളിലോ സ്റ്റഡിയത്തിലെ കൗണ്ടർ വഴിയോ ടിക്കറ്റെടുക്കാൻ അവസരമുണ്ടാവില്ല.
ഖത്തർ സമയം രാത്രി 9 മണിക്കാണ് മത്സരം തുടങ്ങുക.വൈകുന്നേരം 4.30 ന് ഗേറ്റുകൾ തുറക്കും.
ആദ്യം വരുന്നവർക്ക് ആദ്യം എന്ന അടിസ്ഥാനത്തിൽ ഫിഫ ടിക്കറ്റിംഗ് വെബ്സൈറ്റിൽ ടിക്കറ്റുകൾ ലഭ്യമാകും.നാല് കാറ്റഗറികളിലായി വിവിധ നിരക്കുകളിൽ ടിക്കറ്റുകൾ ലഭിക്കും.
കാറ്റഗറി 1: 200 ഖത്തർ റിയാൽ
കാറ്റഗറി 2: 150 ഖത്തർ റിയാൽ
വിഭാഗം 3: 80 ഖത്തർ റിയാൽ
കാറ്റഗറി 4: 40 ഖത്തർ റിയാൽ
ന്യൂസ്റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക.