December 04, 2021
December 04, 2021
ന്യൂഡൽഹി : കോവിഡ് മഹാമാരി കാരണം വിവിധ വിദേശരാജ്യങ്ങളിൽ മരണമടഞ്ഞ ഇന്ത്യക്കാരുടെ കണക്കുകൾ പുറത്ത്. വിദേശകാര്യമന്ത്രാലയമാണ് ലോകസഭയ്ക്ക് മുൻപാകെ ഈ കണക്കുകൾ അവതരിപ്പിച്ചത്.
75 രാജ്യങ്ങളിലായി 4048 ഇന്ത്യൻ പൗരന്മാർക്കാണ് കോവിഡ് കാരണം ജീവഹാനി സംഭവിച്ചത്. 109 മരണങ്ങൾ റിപ്പോർട്ട് ചെയ്യപ്പെട്ട ഖത്തറിലാണ് മിഡിൽ ഈസ്റ്റ് മേഖലയിൽ ഏറ്റവും കുറവ് മരണങ്ങൾ സംഭവിച്ചത്. 1154 മരണങ്ങളുമായി അറബ് മേഖലയിലെ മറ്റൊരു രാജ്യമായ സൗദി അറേബ്യ ആണ് ലിസ്റ്റിൽ ഒന്നാമതുള്ളത്. യുഎഇയിൽ 894 പേർക്കും, കുവൈത്തിൽ 668 പേർക്കും കോവിഡ് കാരണം ജീവൻ നഷ്ടപ്പെട്ടു. ഒമാൻ - 551, ബഹ്‌റൈൻ - 200 എന്നിവയാണ് മറ്റ് ഗൾഫ് രാജ്യങ്ങളിലെ കണക്കുകൾ. ഇന്ത്യയുടെ അയൽരാജ്യങ്ങളിൽ ഒന്നായ നേപ്പാളിൽ 43 ഇന്ത്യക്കാരാണ് കോവിഡ് കാരണം മരിച്ചതെന്നും വിദേശകാര്യമന്ത്രാലയം അറിയിച്ചു.
