December 11, 2022
December 11, 2022
ന്യൂസ്റൂം ബ്യുറോ
ദോഹ :ലുസൈൽ സ്റ്റേഡിയത്തിൽ ഡ്യൂട്ടിക്കിടെ വീണ് പരിക്കേറ്റ സുരക്ഷാജീവനക്കാരന്റെ നില ഗുരുതരമായി തുടരുന്നതായി സുപ്രീം കമ്മിറ്റി ഫോർ ഡെലിവറി ആൻഡ് ലെഗസി (എസ്സി) അറിയിച്ചു.
ശനിയാഴ്ച, ലുസൈൽ സ്റ്റേഡിയത്തിൽ ജോലിക്കിടെ സെക്യൂരിറ്റി ജീവനക്കാരന് വീണ് പരിക്കേറ്റതായും സ്റ്റേഡിയം മെഡിക്കൽ ടീമുകൾ ഉടൻ സംഭവസ്ഥലത്ത് എത്തി അടിയന്തര ചികിത്സ നൽകിയതായും സുപ്രീം കമ്മറ്റി അറിയിച്ചു.എന്നാൽ പരിക്ക് ഗുരുതരമായതിനാൽ ആംബുലൻസിൽ ഹമദ് മെഡിക്കൽ ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റുകയായിരുന്നു.
Statement from the Supreme Committee for Delivery & Legacy. pic.twitter.com/Og7Ax1WGlt
— SC News (@roadto2022news) December 10, 2022
"അപകടനില തരണം ചെയ്തെങ്കിലും ആരോഗ്യസ്ഥിതി ഗുരുതരമായി തന്നെ തുടരുകയാണ്.അപകടത്തിനിടയാക്കിയ സാഹചര്യങ്ങളെ കുറിച്ച് വിശദമായി അന്വേഷിച്ചുവരികയാണ്..ഞങ്ങളുടെ പ്രാർത്ഥനകൾ അദ്ദേഹത്തിനും കുടുംബത്തിനുമൊപ്പമുണ്ട്.അദ്ദേഹം എത്രയും വേഗം സുഖം പ്രാപിക്കട്ടെയെന്ന് ആശംസിക്കുന്നു"-സമൂഹ മാധ്യമ അക്കൗണ്ടിൽ നൽകിയ പ്രസ്താവനയിൽ സുപ്രീം കമ്മറ്റി വ്യക്തമാക്കി.ചികിത്സാവേളയിൽ മുഴുവൻ അദ്ദേഹത്തിന്റെ ശമ്പളവും മറ്റാനുകൂല്യങ്ങളും നൽകുമെന്നും പ്രസ്താവനയിൽ വ്യക്തമാക്കി.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക