October 14, 2022
October 14, 2022
അൻവർ പാലേരി
ദോഹ : ഖത്തറിലെ പ്രവാസി വ്യവസായി മുടവന്തേരി മേക്കര താഴെകുനി എം.ടി.കെ അഹമ്മദിനെ തട്ടിക്കൊണ്ടുപോയ കേസിലെ രണ്ടാം പ്രതി കണ്ണൂർ അഞ്ചരക്കണ്ടി സ്വദേശി റുഖിയ മൻസിലിൽ പുതിയാറമ്പത്ത് ആലിം അറസ്റ്റിൽ.
2021 ഫെബ്രുവരി 13 ന് പുലർച്ചെ കാറിലെത്തിയ അഞ്ചംഗ സംഘം വീടിനടുത്ത് വെച്ച് അഹമ്മദിനെ തട്ടിക്കൊണ്ടുപോവുകയായിരുന്നു.ഫെബ്രുവരി 15 നാണ് പിന്നീട് വിട്ടയച്ചത്.ഖത്തറിലായിരുന്ന ആലിം ഇന്നലെ കണ്ണൂർ വിമാനത്താവളത്തിൽ ഇറങ്ങിയപ്പോൾ ലുക്ഔട് നോട്ടീസ് നിലവിലുള്ളതിനാൽ എമിഗ്രെഷൻ വിഭാഗം തടഞ്ഞുവെക്കുകയായിരുന്നു.വിവരം നൽകിയതിനെ തുടർന്ന് കേസ് അന്വേഷിക്കുന്ന ഡി.വൈ.എസ്.പി ആർ.ഹരിദാസ് വിമാനത്താവളത്തിലെത്തി അറസ്റ്റ് ചെയ്യുകയായിരുന്നു.
അഹമ്മദിനെ തട്ടിക്കൊണ്ടുപോയ കേസിൽ അയൽവാസി വാരാക്കണ്ടി മുനീറിനെ നേരത്തെ അറസ്റ്റ് ചെയ്തിരുന്നു.ഖത്തറിലെ സാമ്പത്തിക ഇടപാടുകളെ ചൊല്ലിയുള്ള തർക്കത്തെ തുടർന്നാണ് അഹമ്മദിനെ തട്ടിക്കൊണ്ടു പോയതെന്ന് പോലീസ് അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക