October 25, 2022
October 25, 2022
ന്യൂസ്റൂം ബ്യുറോ
സൗദി അറേബ്യയിലെ അറബികളുടെ ജനപ്രിയ റെസ്റ്റോറന് ശൃംഖലയായ അൽബെയ്ക്ക് ദോഹയിൽ മൊബൈൽ റസ്റ്റോറന്റുകൾ തുടങ്ങി.ഫിഫ ലോകകപ്പിനോടനുബന്ധിച്ച് നിലവിൽ രണ്ടെണ്ണം മാത്രമാണ് ദോഹയിലെത്തിയതെങ്കിലും മൂന്ന് മൊബൈൽ യൂണിറ്റുകൾ കൂടി ഉടൻ എത്തുമെന്ന് മാനേജ്മെന്റ് ഇൻസ്റ്റഗ്രാമിൽ അറിയിച്ചു.
'സ്നേഹം ലോകത്തെ ഒന്നിപ്പിക്കുന്നു' എന്ന സ്ലോഗനിൽ ജിദ്ദ ആസ്ഥാനമായി പ്രവർത്തിക്കുന്ന അൽബെയ്ക്കിലെ വിവിധതരം സോസുകളും ബ്രോസ്റ്റഡ്, ഫ്രൈഡ് ചിക്കൻ എന്നിവയും വർഷങ്ങളായി അറബികളുടെ നാവിൻതുമ്പിലെ പ്രിയരുചിക്കൂട്ടാണ്. 80 രാജ്യങ്ങളിൽ ബ്രാഞ്ചുകളുള്ള അൽബെയ്ക്ക് സൗദി അറേബ്യയിലെ ഏറ്റവും വലിയ റസ്റ്റോറന്റ് ശൃംഖലയാണ്.
അതേസമയം, ഇതേപേരിൽ ഖത്തറിൽ പ്രവർത്തിക്കുന്ന മറ്റൊരു സ്ഥാപനത്തിന്റെ ഉൽഘാടനവുമായി ബന്ധപ്പെട്ട് സ്വദേശികളുടെ സമൂഹമാധ്യമ അക്കൗണ്ടുകളിൽ ഈയിടെ വലിയ ചർച്ചകൾ നടന്നിരുന്നു.സൗദികൾക്ക് ഏറെ പ്രിയപ്പെട്ട 'അൽ ബെയ്ക്' ഖത്തറിൽ ഇനിയും ആരംഭിക്കാത്തതിലുള്ള നിരാശയും അന്ന് നിരവധി പേർ പങ്കവെച്ചിരുന്നു.നിലവിൽ ഇതേപേരിൽ ഖത്തറിൽ പ്രവർത്തിക്കുന്ന സ്ഥാപനങ്ങൾക്ക് സൗദിയിലെ യഥാർത്ഥ അൽ ബെയ്ക്കുമായി ബന്ധമില്ല.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക