April 06, 2023
April 06, 2023
ന്യൂസ്‌റൂം ബ്യൂറോ
ദോഹ: 2021 ല്‍ സൗദി അറേബ്യയില്‍ നടന്ന ജിസിസി ഉച്ചകോടി പുറത്തിറക്കിയ അല്‍ ഉല കരാറിന്റെ തുടര്‍നടപടികള്‍ക്കായി ഖത്തര്‍, യു.എ.ഇ എന്നീ രാജ്യങ്ങളുടെ ഔദ്യോഗിക പ്രതിനിധികള്‍ ബുധനാഴ്ച യോഗം ചേര്‍ന്നു. അബുദാബിയിലാണ് ഇരു രാജ്യങ്ങളുടെയും പ്രതിനിധികള്‍ അല്‍ ഉല കരാറിലെ വ്യവസ്ഥകൾ നടപ്പാക്കുന്നതുമായി ബന്ധപ്പെട്ട നാലാമത്തെ യോഗം ചേര്‍ന്നത്.
ഖത്തര്‍ വിദേശകാര്യ മന്ത്രാലയം സെക്രട്ടറി ജനറല്‍ ഡോ. അഹമ്മദ് ബിന്‍ ഹസ്സന്‍ അല്‍ ഹമ്മദിയുടെ നേതൃത്വത്തിലുള്ള പ്രതിനിധി സംഘമാണ് ചർച്ചയിൽ പങ്കെടുത്തത്.അലി സയീദ് മതര്‍ അല്‍ നെയാദി യു.എ.ഇ പ്രതിനിധി സംഘത്തെ നയിച്ചു. ഇരു രാജ്യങ്ങളും തമ്മിലുള്ള ബന്ധം ശക്തിപ്പെടുത്തുന്നതിനും പൊതു താല്പര്യങ്ങള്‍ വികസിപ്പിക്കുന്നതിനും അല്‍ ഉല കരാര്‍ ഏറെ പ്രയോജനം ചെയ്തതായി ചർച്ചയിൽ പങ്കെടുത്തവർ അഭിപ്രായപ്പെട്ടു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
