September 15, 2022
September 15, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പിന് പന്തുരുളാൻ 66 ദിവസങ്ങൾ മാത്രം ബാക്കി നിൽക്കെ, ആതിഥേയരായ ഖത്തർ,ഫിഫ ലോകകപ്പ് 2022 ജേഴ്‌സികൾ പുറത്തിറക്കി, മെറൂൺ (ഹോം), വെള്ള (എവേ) ടീഷർട്ടുകൾ ധരിച്ചായിരിക്കും അൽ അന്നാബി താരങ്ങൾ ലോകകപ്പ് സ്റ്റേഡിയങ്ങളിൽ പന്തുതട്ടാനെത്തുക. നൈക്കിയയാണ് ഖത്തർ ടീമിനുള്ള ആകർഷകമായ ജെഴ്‌സികൾ ഡിസൈൻ ചെയ്തത്..
ഹോം കിറ്റിൽ(മെറൂൺ) കയ്യിൽ ഖത്തരി പതാകയെ പ്രതിഫലിപ്പിക്കുന്ന ഡെസേർട്ട് മെറൂണും കയ്യിൽ വെളുത്ത സെറേറ്റഡ് ട്രിമ്മും സംയോജിപ്പിച്ചാണ് ജെഴ്‌സി ഒരുക്കിയത്. നെഞ്ചിന് മുകളിലെ ചിഹ്നം ഖത്തറിന്റെ ആതിഥേയ രാഷ്ട്ര പദവി ഉയർത്തിക്കാട്ടുന്നതാണ്.
എവേ കിറ്റ്(വെളുത്ത ജെഴ്‌സി) ഖത്തറിന്റെ തീരപ്രദേശത്തെ പ്രതീകവൽക്കരിക്കുന്ന അലങ്കാരചാർത്തുകളോടെയാണ് തയാറാക്കിയത്. പഴയ തീരദേശ സംസ്കൃതിയിലെ മുത്ത് ഖനനത്തിന്റെ ചരിത്രമാണ് ഈ ഗ്രാഫിക് ഓവർലേ പ്രതീകവൽക്കരിക്കുന്നത്.
നവംബർ 20ന് ഇക്വഡോറിനെതിരായ ഗ്രൂപ്പ് എ മത്സരത്തോടെയാണ് ഖത്തർ ലോകകപ്പിന് തുടക്കമാവുന്നത്. ഗ്രൂപ്പിൽ സെനഗലും നെതർലൻഡും ഉൾപ്പെടുന്നു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
