October 11, 2022
October 11, 2022
ന്യൂസ്‌റൂം ബ്യുറോ
ദോഹ : ഖത്തർ ടൂറിസം (ക്യുടി) മൊവാസലാത്തിന്റെ (കർവ) പങ്കാളിത്തത്തോടെ സംഘടിപ്പിച്ച "ഐക്കോണിക് ലിമോസിൻ ഡിസൈൻ കൺസെപ്റ്റ്" മത്സരത്തിൽ ഖത്തറിൽ ജോലി ചെയ്യുന്ന ലെബനൻ സ്വദേശി മായാ മാസ്‌രി ഷൈബാനെ വിജയിയായി പ്രഖ്യാപിച്ചു.. 450അപേക്ഷകളിൽ നിന്നാണ് മായാ മാസ്‌രിയുടെ ഡിസൈൻ തെരഞ്ഞെടുത്തത്. ഖത്തറിന്റെ സാംസ്കാരിക പൈതൃകത്തിൽ നിന്നും വിനോദസഞ്ചാര അനുഭവങ്ങളിൽ നിന്നും പ്രചോദനം ഉൾക്കൊണ്ട് ഐക്കണിക് ലിമോസിനുകളുടെ ഡിസൈൻ സമർപ്പിക്കാനായിരുന്നു മത്സരാർത്ഥികളോട് ആവശ്യപ്പെട്ടിരുന്നത്.വെറും ലോഗോയ്ക്ക് പകരം വാഹനം പൂർണമായും നിറഞ്ഞുനിൽക്കുന്ന തരത്തിലുള്ള ഡിസൈനാണ് മത്സരാർഥികളിൽ നിന്നും ആവശ്യപ്പെട്ടത്.
ജൂറി വിജയിയായി തെരഞ്ഞെടുത്ത മാസ്‌രി ഷൈബാന് ഒരു ലക്ഷം റിയാൽ സമ്മാനമായി നൽകി.ഇവരുടെ ഡിസൈനോടെയായിരിക്കും പുതിയ ലിമോസിനുകൾ ഇനി ദോഹയുടെ നിരത്തുകളിൽ ഇറങ്ങുക.
രണ്ടാമതെത്തിയ ചാംസെദ്ദീൻ ചക്രൗണിന് 50,000 റിയാലും ഷോർട്ട്‌ലിസ്റ്റ് ചെയ്ത 20 പേർക്ക് അവരുടെ സംഭാവന കണക്കിലെടുത്ത് 1,500 റിയാൽ വീതവും സമ്മാനിക്കും.
ഖത്തർ ടൂറിസം ചെയർമാനും ഖത്തർ എയർവേയ്‌സ് ഗ്രൂപ്പ് ചീഫ് എക്‌സിക്യൂട്ടീവുമായ അക്ബർ അൽ ബേക്കർ ആയിരുന്നു ജൂറി ചെയർമാൻ. സുപ്രീം കമ്മിറ്റി ഫോർ ഡെലിവറി & ലെഗസി സെക്രട്ടറി ജനറൽ ഹസൻ അൽ തവാദി; മൊവാസലാത്തിന്റെ ചീഫ് എക്സിക്യൂട്ടീവ് ഓഫീസർ (കർവ), ഫഹദ് സാദ് അൽ ഖഹ്താനി; ഖത്തറിലെ വിർജീനിയ കോമൺ‌വെൽത്ത് യൂണിവേഴ്‌സിറ്റി സ്‌കൂൾ ഓഫ് ആർട്‌സിന്റെ ഡീൻ (VCU-Q), അമീർ ബെർബിക്; ഖത്തർ മ്യൂസിയത്തിലെ ലിവാൻ ഡിസൈൻ സ്റ്റുഡിയോകളുടെയും ലാബുകളുടെയും ഡയറക്ടർ ഐഷ നാസർ അൽ സൊവൈദി എന്നിവരായിരുന്നു മറ്റംഗങ്ങൾ.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
