September 23, 2022
September 23, 2022
ന്യൂസ്റൂം സ്പോർട്സ് ഡെസ്ക്
ദോഹ : സ്വന്തം മണ്ണിൽ നടക്കുന്ന ആദ്യ ലോകകപ്പിൽ മികച്ച പ്രകടനം കാഴ്ചവെക്കാനുള്ള വിശ്രമരഹിതമായ പരിശീലനത്തിലാണ് ഏഷ്യൻ ചാമ്പ്യന്മാരായ ഖത്തർ ദേശീയ ടീം.ഇതിന്റെ ഭാഗമായി ഇന്ന് വിയന്നയിൽ നടക്കുന്ന സൗഹൃദ മത്സരത്തിൽ കാനഡയെ നേരിടുന്നതിനായി കോച്ച് ഫെലിക്സ് സാഞ്ചസിന്റെ നേതൃത്വലുള്ള 26 അംഗ അൽ അന്നാബി ടീം വിയന്നയിൽ പരിശീലനം തുടങ്ങി. ഇന്ന് രാത്രി ഖത്തർ സമയം 8 മണിക്കാണ് കനഡയുമായി അൽ അന്നാബി പോരിനിറങ്ങുന്നത്.കനഡയുമായുള്ള രണ്ടാമത്തെ അവസാന സൗഹൃദ മത്സരമാണ് ഇന്ന് നടക്കുക.
വയോള പാർക്കിൽ നടക്കുന്ന ഇന്നത്തെ മത്സരത്തോടെ സ്പാനിഷ് പരിശീലകനായ ഫെലിക്സ് സാഞ്ചസ് ഓരോ കളിക്കാരുടെയും പ്രകടനം വിലയിരുത്തും. ചൊവ്വാഴ്ച അൽ ചിലിയിലാണ് അവസാന മത്സരം.ഇതിന് ശേഷമായിരിക്കും ഫിഫ ലോകകപ്പിനുള്ള ഖത്തർ ടീം അംഗങ്ങളെ അന്തിമമായി പ്രഖ്യാപിക്കുക.
മുപ്പത് കളിക്കാരുൾപെടുന്ന ഖത്തർ ടീം അംഗങ്ങൾ ഓസ്ട്രിയയിൽ നടന്നുകൊണ്ടിരിക്കുന്ന പരിശീലന ക്യാമ്പിന് പുറമെ സ്പെയിനിലും മൂന്ന് മാസത്തിലേറെയായി അവസാനവട്ട തയാറെടുപ്പുകൾ നടത്തുകയാണ്.ഇന്നത്തെ മത്സരത്തിന് മുന്നോടിയായി, സെപ്തംബർ 20 ന് ക്രൊയേഷ്യയുമായും ഓസ്ട്രിയയിൽ ജമൈക്ക, ഘാന, മൊറോക്കോ എന്നീ ടീമുകളുമായും ഖത്തർ സൗഹൃദ മത്സരങ്ങളിൽ കളിച്ചിരുന്നു.
ലോകകപ്പിൽ ഗ്രൂപ് എ-യിൽ നവംബർ 20 ന് അൽ ബൈത്ത് സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിൽ ഇക്വഡോറിനെയാണ്അ ഖത്തർ ആദ്യം നേരിടുക.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക