May 20, 2023
May 20, 2023
ന്യൂസ്റൂം ബ്യുറോ
ദോഹ : സുഡാൻ തലസ്ഥാനമായ ഖാർതൂമിലെ തങ്ങളുടെ എംബസിക്ക് നേരെയുണ്ടായ ആക്രമണത്തെ ഖത്തർ ഭരണകൂടം അപലപിച്ചു. എംബസി ജീവനക്കാരെ നേരത്തെ ഒഴിപ്പിച്ചിട്ടുണ്ടെന്നും നയതന്ത്രജ്ഞർക്കോ എംബസി ജീവനക്കാർക്കോ യാതൊരു വിധ അപകടവും സംഭവിച്ചിട്ടില്ലെന്നും ഖത്തർ വിദേശകാര്യ മന്ത്രാലയം പ്രസ്താവനയിൽ അറിയിച്ചു.
സുഡാനിൽ നടക്കുന്ന ആഭ്യന്തര സംഘർഷങ്ങളിൽ നിന്ന് എംബസികൾ, നയതന്ത്ര ദൗത്യങ്ങൾ, അന്താരാഷ്ട്ര സംഘടനകളുടെ ആസ്ഥാനം, സിവിലിയൻ സൗകര്യങ്ങൾ എന്നിവ ഒഴിവാക്കേണ്ടതിന്റെ ആവശ്യകതയും മന്ത്രാലയം ചൂണ്ടിക്കാട്ടി.ആക്രമണത്തിന് ഉത്തരവാദികളായവരെ പ്രോസിക്യൂട്ട് ചെയ്ത് അർഹമായ ശിക്ഷ നൽകണം.ഇത്തരം ആക്രമണങ്ങൾ അന്താരാഷ്ട്ര നിയമങ്ങളുടെയും കരാറുകളുടെയും ലംഘനമാണെന്നും സുഡാനിലെ സംഘർഷം എത്രയും വേഗം അവസാനിപ്പിക്കണമെന്നും വിദേശകാര്യ മന്ത്രാലയം പ്രസ്താവനയിൽ ആവശ്യപ്പെട്ടു.
ഖാർത്തൂമിൽ പ്രവർത്തിക്കുന്ന യു.എ.ഇയുടെയും സൗദിയുടെയും നയതന്ത്ര കാര്യാലയങ്ങൾക്ക് നേരെയും കഴിഞ്ഞ ദിവസങ്ങളിൽ ആക്രമണം നടന്നിരുന്നു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/CnQu0Sm89HsFGubs4fWsFe