September 10, 2022
September 10, 2022
ദോഹ : ആരോഗ്യമേഖലയുമായി ബന്ധപ്പെട്ട സേവനങ്ങൾക്കുള്ള ഹോം ഡെലിവറി നിരക്കുകൾ 30 റിയാലിൽ നിന്നും 20 റിയാലായി കുറച്ചതായി ഖത്തർ പോസ്റ്റ് അറിയിച്ചു.മരുന്നുകൾ, മെഡിക്കൽ റിപ്പോർട്ടുകൾ,മറ്റ് മെഡിക്കൽ ഉൽപന്നങ്ങൾ, ഡയറ്ററി ഉൽപന്നങ്ങൾ എന്നിവയുടെ ഡെലിവറി നിരക്കുകളാണ് കുറച്ചത്.
ഖത്തർ പോസ്റ്റ്, ഹമദ് മെഡിക്കൽ കോർപ്പറേഷൻ (എച്ച്എംസി), പ്രൈമറി ഹെൽത്ത് കെയർ കോർപ്പറേഷൻ (പിഎച്ച്സിസി), പൊതുജനാരോഗ്യ മന്ത്രാലയം (എംഒപിഎച്ച്) എന്നിവയുമായി സഹകരിച്ചാണ് നിരക്കുകൾ കുറക്കാൻ തീരുമാനിച്ചത്.
രാജ്യത്ത് കോവിഡ് വ്യാപനം രൂക്ഷമായ ഘട്ടത്തിൽ 2020 ഏപ്രിലിലാണ് ഖത്തർ പോസ്റ്റ് മരുന്നുകൾക്കും അനുബന്ധ സേവനങ്ങൾക്കുമായി ഹോം ഡെലിവറി സംവിധാനം ആരംഭിച്ചത്.പിഎച്ച്സിസിയിലെ രോഗികൾക്കായി ഇതുവരെ ഏകദേശം രണ്ടുലക്ഷത്തോളം ഹോം ഡെലിവറി സേവനങ്ങൾ നൽകിയതായും ഖത്തർ പോസ്റ്റ് അറിയിച്ചു.
ഹോം ഡെലിവറി സേവനങ്ങൾക്കുള്ള നിരക്ക് 20 റിയാലായി കുറച്ചത് രോഗികൾക്ക് ഏറെ പ്രയോജനപ്രദമാകുമെന്ന് എച്ച്എംസി ഫാർമസി വിഭാഗം എക്സിക്യൂട്ടീവ് ഡയറക്ടർ ഡോ. മോസ അൽ ഹെയിൽ പറഞ്ഞു.
പുതിയ നിരക്കിളവ് ഈ വർഷം അവസാനം വരെ തുടരും.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക
