December 18, 2022
December 18, 2022
ന്യൂസ്‌റൂം ബ്യുറോ
ദോഹ: ഫിഫ ലോകകപ്പ് ഖത്തർ 2022 സമാപന ചടങ്ങിന്റെ സ്മരണയ്ക്കായി ഖത്തർ പോസ്റ്റൽ സർവീസസ് (ഖത്തർ പോസ്റ്റ്) സുവനീർ സ്റ്റാമ്പുകൾ പുറത്തിറക്കി.ലോകകപ്പിൽ പങ്കെടുത്ത രാജ്യങ്ങൾ,സ്റ്റേഡിയങ്ങൾ,ഔദ്യോഗിക പ്രതീകമായ ലഈബ്,ഫിഫ കപ്പ് എന്നിവ ഉൾപ്പെടുത്തിയ പരമ്പരയാണ് സ്റ്റാമ്പുകളിൽ ഉൾപെടുത്തിയത്.
വ്യതിരിക്തമായ ഡിസൈനുകളിലൂടെ, ഓരോ സ്റ്റാമ്പും ഖത്തറിന്റെ തനത് സംസ്കാരം ഉൾക്കൊള്ളുന്നവയും അറബ് രാജ്യത്ത് ആദ്യമായി നടക്കുന്ന ഫിഫ ലോകകപ്പിന്റെ ഓർമ നിലനിർത്തുന്നതുമാണ്.
ലോകകപ്പുമായി ബന്ധപ്പെട്ട പതിനൊന്നാമത്തേതും അവസാനത്തേതുമായ സീരീസാണ് പുറത്തിറക്കിയത്. 22 ഖത്തർ റിയാലിന് പൊതുജനങ്ങൾക്ക് സ്റ്റാമ്പുകൾ ലഭിക്കും.ആദ്യ ഘട്ടമായി 30,000 കോപ്പികളും 7,000 കവറുകളും 6,000 പോസ്റ്റ് കാർഡുകളും 1,000 വി.ഐ.പി ഫോൾഡറുകളുമാണ് പുറത്തിറക്കിയത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക
