October 01, 2023
October 01, 2023
ഒ ഐ സി സി ഇൻകാസ് ഖത്തർ സെൻട്രൽ കമ്മിറ്റി ഗാന്ധി ജയന്തി ദിനമായ ഒക്ടോബർ 2 സമഭാവന ദിനമായി ആചരിക്കുമെന്ന് ഭാരവാഹികൾ അറിയിച്ചു.
ഗാന്ധിയൻ ദർശനങ്ങൾ മാനുഷീക,സാമൂഹീക ബന്ധങ്ങളിൽ ഏറെ പ്രസക്തമാവേണ്ടതും പ്രായോഗീക മാക്കേണ്ടതുമായ കാലഘട്ടത്തിലൂടെയാണ് നാം കടന്നു പോകുന്നതെന്ന് സെൻട്രൽ കമ്മിറ്റി യോഗത്തിൽ അദ്ധ്യക്ഷത വഹിച്ച പ്രസിഡണ്ട് സമീർ ഏറാമല ഓർമ്മപ്പെടുത്തി.ഓരോ ഇൻകാസ് പ്രവർത്തകനും സമഭാവനയിലൂടെ ഗാന്ധിയൻ ദർശനങ്ങളുടെ പ്രചാരകരാവണമെന്നും യോഗം ആവശ്യപ്പെട്ടു.
ഒ ഐ സി സി ഗ്ളോബൽ ചെയർമാനും , ഇൻകാസ് ഖത്തറിന്റെ രക്ഷാധികാരിയുമായിരുന്ന യശഃശരീരനായ പത്മശ്രീ സി കെ മേനോന്റെ നാലാം ചരമ വാർഷീകം ആചരിക്കുവാനും യോഗം തീരുമാനിച്ചു.
ഇൻകാസ് കോട്ടയം ജില്ലാ സെക്രട്ടറി ലിയോയുടെ പിതാവ്
തോമസ് വി ടി,ഒ ഐ സി സി മിഡിൽ ഈസ്റ്റ് കൺവീനർ നാസർ കറുകപ്പാടത്തിന്റെ സഹോദരി ഖദീജ എന്നിവരുടെ നിര്യാണത്തിൽ യോഗം അനുശോചനം രേഖപ്പെടുത്തി.
സെൻട്രൽ കമ്മിറ്റി ജനറൽ സെക്രട്ടറി സിറാജ് പാലൂർ സ്വാഗതവും, ട്രഷറർ ജോർജ്ജ് അഗസ്റ്റിൻ നന്ദിയും പറഞ്ഞു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G