February 26, 2023
February 26, 2023
ന്യൂസ്‌റൂം ബ്യുറോ
ദോഹ :വോട്ടെടുപ്പിനായുള്ള ഡിജിപോൾ ആപ്പിലെ തുടർച്ചയായ സാങ്കേതിക തകരാർ കാരണം രണ്ടു തവണ തടസ്സപ്പെട്ട മൂന്ന് അപ്പെക്‌സ് ബോഡികളിലെക്കുള്ള തെരഞ്ഞെടുപ്പ് രണ്ടു ദിവസങ്ങളിലായി നടക്കുമെന്ന് ഇന്ത്യൻ എംബസി അറിയിച്ചു.
ഇന്ത്യന്‍ കള്‍ചറല്‍ സെന്റര്‍, ഇന്ത്യന്‍ കമ്മ്യൂണിറ്റി ബനലവന്റ് ഫോറം, ഇന്ത്യന്‍ സ്പോര്‍ട്സ് സെന്റര്‍ എന്നിവയുടെ അടുത്ത രണ്ട് വര്‍ഷത്തേക്കുള്ള ഭാരവാഹികളെ തെരഞ്ഞെടുക്കുന്നതിനുള്ള തെരഞ്ഞെടുപ്പാണ് മാര്‍ച്ച് 3, 4 തിയ്യതികളിലായി നടക്കുക.
ഇന്ത്യന്‍ കള്‍ചറല്‍ സെന്റര്‍ തെരഞ്ഞെടുപ്പ് മാര്‍ച്ച് 3 ന് രാവിലെ 8 മണി മുതല്‍ ഉച്ചക്ക് 2 മണി വരെയും. ഇന്ത്യന്‍ സ്പോര്‍ട്സ് സെന്ററിലേക്കുള്ള തെരഞ്ഞെടുപ്പ് അതേദിവസം ഉച്ച കഴിഞ്ഞ് 3 മണി മുതല്‍ 9 മണി വരെയും ഇന്ത്യന്‍ കമ്മ്യൂണിറ്റി ബനലവന്റ് ഫോറത്തിലേക്കുള്ള തരഞ്ഞെടുപ്പ് മാര്‍ച്ച് 4 ന് ഉച്ച കഴിഞ്ഞ് 3 മണി മുതല്‍ 9 മണി വരെയായിരിക്കും നടക്കുക.
സ്ഥാനാർഥികളെയും വോട്ടർമാരെയും ഒരുപോലെ കുഴക്കിയ ആപ്പിലെ സാങ്കേതിക കുഴപ്പം കടുത്ത വിമർശനങ്ങൾക്കും പരിഹാസങ്ങൾക്കും ഇടയാക്കിയിരുന്നു.ആദ്യം ഫെബ്രുവരി 17ന് നടത്തുമെന്ന് അറിയിച്ച തെരഞ്ഞെടുപ്പ് സാങ്കേതിക കുഴപ്പങ്ങൾ പരിഹരിച്ച്‌ ഫെബ്രുവരി 24 ലേക്ക് മാറ്റിയെങ്കിലും തകരാർ പരിഹരിക്കാൻ കഴിഞ്ഞിരുന്നില്ല.വെള്ളിയാഴ്ച വോട്ടെടുപ്പ് തുടങ്ങിയെങ്കിലും പലർക്കും വോട്ടു ചെയ്യാൻ കഴിയാതെ വന്നതോടെ വീണ്ടും മാറ്റിവെക്കുകയായിരുന്നു.ഇത്തവണ മൂന്ന് ഘട്ടങ്ങളിലായി ക്രമീകരിച്ച് ആപ്പിലെ തിരക്കൊഴിവാക്കാനാണ് ശ്രമമെങ്കിലും ആശങ്കകൾ പൂർണമായും നീങ്ങിയിട്ടില്ല.
വാർത്തകൾ ലഭിക്കാൻ നിലവിൽ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/LiM4EdDAtkTAmYRCb0LMz9
