September 02, 2019
September 02, 2019
ദോഹ: ഇരുപതാമത് പുരുഷ വിഭാഗം ഏഷ്യന്‍ സീനിയര്‍ വോളിബോള്‍ ചാമ്പ്യൻഷിപ്പിന് തയ്യാറെടുക്കുന്ന ഇന്ത്യന്‍ ടീം ആദ്യ സന്നാഹ മത്സരത്തില്‍ ഖത്തറുമായി ഇന്ന് ഏറ്റുമുട്ടും.
സലാത്തയിലെ അല്‍ അറബി സ്റ്റേഡിയത്തിന് സമീപമുള്ള ഖത്തര്‍ വോളിബോള്‍ അസോസിയേഷന്‍ ഹാളില്‍ വൈകീട്ട് ഏഴു മണിക്കാണ് മത്സരം. മോഹന്‍ ഉക്കരപാന്‍ഡ്യന്റെ നായകത്വത്തില്‍ ഇന്ന് ഇറങ്ങുന്ന പന്ത്രണ്ടംഗ ടീമില്‍ മലയാളികളായ അഖിന്‍ ജാസ്, അജിത് ലാല്‍ എന്നിവരുണ്ട്.
കൂടാതെ കേരള സംസ്ഥാന ടീമിന്റെ ആക്രമകാരിയായ തമിഴ് നാട്ടുകാരന്‍ ജെറോം വിനീത്, രഞ്ജിത് സിംഗ്, വിനീത് ചൗധരി, അശ്വല്‍ റായ്, ദീപേഷ് കുമാര്‍ സിന്‍ഹ, പങ്കജ് ശര്‍മ്മ, അമിത് കുമാര്‍, മനോജ്, കമലേഷ് കാര്‍ത്തിക് എന്നീ കളിക്കാരും ഇന്ത്യന്‍ കരുത്ത് തെളിയിക്കാന്‍ ഇറങ്ങുന്നുണ്ട്. പ്രവേശനം സൗജന്യമായിരിക്കും.
