July 02, 2023
July 02, 2023
ന്യൂസ്‌റൂം ബ്യുറോ
ദോഹ : പ്രീ-രജിസ്‌ട്രേഷൻ സേവനം അബു സമ്ര അതിർത്തി വഴിയുള്ള യാത്രക്കാരുടെ എൻട്രി, എക്സിറ്റ് നടപടിക്രമങ്ങൾ വേഗത്തിലാക്കിയതായും കാത്തിരിപ്പ് സമയം ഗണ്യമായി കുറച്ചതായും ജനറൽ അതോറിറ്റി ഓഫ് കസ്റ്റംസിലെ (ജിഎസി) ലാൻഡ് കസ്റ്റംസ് വകുപ്പ് ഡയറക്ടർ അഹമ്മദ് യൂസഫ് അൽ സഹേൽ പറഞ്ഞു.യാത്രക്കാർ ഈ സേവനം പരമാവധി പ്രയോജനപ്പെടുത്തണമെന്നും അദ്ദേഹം ആവശ്യപ്പെട്ടു.ഖത്തർ റേഡിയോയുമായി സംസാരിക്കുന്നതിനിടെയാണ് അദ്ദേഹം ഇക്കാര്യം പറഞ്ഞത്.
മറ്റ് രാജ്യങ്ങളിൽ നിന്ന് ഖത്തറിലേക്ക് വരുന്ന വാഹനങ്ങൾക്ക് ഇലക്ട്രോണിക് ഇൻഷുറൻസ് സ്കീം സേവനമുണ്ടെന്നും ലാൻഡ് കസ്റ്റംസ് വകുപ്പ് ഡയറക്ടർ അറിയിച്ചു. ഈദ് അൽ അദ്ഹ പോലുള്ള തിരക്കേറിയ സമയങ്ങളിൽ എല്ലാ കസ്റ്റംസ് ചെക്ക് പോസ്റ്റുകളിലും(കര, കടൽ,വിമാനത്താവളം) പ്രത്യേക ക്രമീകരണങ്ങൾ നടത്താറുണ്ടെന്നും അദ്ദേഹം കൂട്ടിച്ചേർത്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/GjQM19221WxKnWo2cdbsZe
