August 09, 2021
August 09, 2021
ദോഹ : ഖത്തറിലെ പ്രശസ്ത ഇഎന്‍ടി വിദഗ്ദ്ധനും സാമൂഹിക പ്രവര്‍ത്തകനും ഇന്ത്യന്‍ സ്‌പോര്‍ട്‌സ് സെന്റര്‍ പ്രസിഡന്റുമായ ഡോ. മോഹന്‍ തോമസിന് പ്രവാസി ഭാരതീയ സമ്മാന്‍ പുരസ്‌കാരം സമ്മാനിച്ചു. ഇന്ത്യന്‍ കള്‍ചറല്‍ സെന്ററിലെ (ഐസിസി)അശോക ഹാളില്‍ നടന്ന ചടങ്ങില്‍ രാഷ്ട്രപതി രാംനാഥ് കോവിന്ദിന് വേണ്ടി ഖത്തര്‍ ഇന്ത്യന്‍ സ്ഥാനപതി ഡോ ദീപക് മിത്തല്‍ പ്രശസ്തി ഫലകം കൈമാറി.ഖത്തര്‍ മുന്‍ പ്രധാനമന്ത്രി ഷെയ്ഖ് അബ്ദുള്ള ബിന്‍ നാസര്‍ ബിന്‍ ഖലീഫ അല്‍താനി മെഡല്‍ സമ്മാനിച്ചു.ഭാരതം നല്‍കിയ വലിയ അംഗീകാരം ഖത്തറിലെ ഇന്ത്യന്‍ പ്രവാസി സമൂഹത്തിന് സമര്‍പ്പിക്കുന്നതായി മറുപടി പ്രസംഗത്തില്‍ ഡോ.മോഹന്‍ തോമസ് പറഞ്ഞു. ഖത്തറിന്റെ മണ്ണില്‍ ഇന്ത്യയുടെ യശസ്സ് ഉയര്‍ത്തുന്നതില്‍ നിര്‍ണായക പങ്കാണ് ഡോ മോഹന്‍ തോമസ് വഹിച്ചതെന്ന് ഇന്ത്യന്‍ സ്ഥാനപതി ഡോ ദീപക് മിത്തല്‍ അഭിപ്രായപ്പെട്ടു.
