September 16, 2019
September 16, 2019
ദോഹ : സാങ്കേതിക തരാറിനെ തുടർന്ന് ഖത്തറിന്റെ വിവിധ ഭാഗങ്ങളിൽ ഇന്ന് രാവിലെ അര മണിക്കൂറോളം വൈദ്യുതി വിതരണം തടസ്സപ്പെട്ടതായി കഹ്റാമ അറിയിച്ചു. വൈദ്യുതി ഉത്പാദന കേന്ദ്രങ്ങളിലൊന്നിൽ സാങ്കേതിക തകരാറ് നേരിട്ടതാണ് വൈദ്യുതി നിലക്കാൻ കാരണം.എന്നാൽ തകരാറ് പരിഹരിച്ച് വൈദ്യുതി ബന്ധം പുനഃസ്ഥാപിച്ചതായി കഹ്റാമ പിന്നീട് ട്വീറ്റ് ചെയ്തു.
കഹറാമയുടെ സാങ്കേതിക വിഭാഗം സ്ഥലത്തെത്തി ഉടൻ പ്രശ്നം പരിഹരിച്ചതായും തടസ്സം നേരിട്ടതിൽ ക്ഷമ ചോദിക്കുന്നതായും കഹ്റാമ അറിയിച്ചു.വളരെ പെട്ടെന്ന് തന്നെ തകരാറ് പരിഹരിച്ചു വൈദ്യുതി ബന്ധം പുനഃസ്ഥാപിച്ച ഉദ്യോഗസ്ഥരെയും ജീവനക്കാരെയും കഹ്റാമ അഭിനന്ദിച്ചു.ഭാവിയിൽ വൈദ്യുതി തടസ്സം നേരിട്ടാൽ കഹ്റാമയുടെ സ്മാർട് ഫോൺ ആപ്ലിക്കേഷൻ വഴി 991 എന്ന നമ്പറിൽ വിവരം അറിയിക്കണമെന്നും അധികൃതർ ആവശ്യപ്പെട്ടു.
നജ്മ,മൻസൂറ,അൽ സദ്,ന്യൂ സലത്ത,മദീന ഖലീഫ,വുഖൈർ തുടങ്ങിയ താമസ മേഖലകളിലാണ് ഇന്ന് രാവിലെ 11.30 ഓടെ വൈദ്യുതി മുടങ്ങിയത്.മിക്ക പ്രദേശങ്ങളിലും 20 മിനിറ്റുകൾക്കുള്ളിൽ തന്നെ വൈദ്യുതി ബന്ധം പുനഃസ്ഥാപിച്ചിരുന്നു.