June 20, 2022
June 20, 2022
ദോഹ :ഖത്തറിലെ വിവിധ ഭാഗങ്ങളിൽ വീടുകളിൽ മോഷണം നടത്തിയിരുന്ന ഏഷ്യൻ വംശജനെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു.ജനറൽ ഡയറക്ടറേറ്റ് ഓഫ് ക്രിമിനൽ ഇഇൻവെസ്റ്റിഗേഷൻ വിഭാഗമാണ് പ്രതിയെ പിടികൂടിയത്.
ചില വീടുകളിൽ മോഷണം നടന്നതായി അധികൃതർക്ക് വിവരം ലഭിച്ചതിനെ തുടർന്ന് പ്രത്യേക സംഘം രൂപീകരിച്ച് നടത്തിയ അന്വേഷണത്തിലാണ് പ്രതി വലയിലായത്.ചോദ്യം ചെയ്യലിൽ പ്രതി കുറ്റം സമ്മതിച്ചതായും പോലീസ് അറിയിച്ചു.
സുരക്ഷിതത്വം കുറഞ്ഞ വീടുകളാണ് താൻ ലക്ഷ്യമിട്ടതെന്നും ഫോണുകൾ, ഇലക്ട്രോണിക് ഉപകരണങ്ങൾ, എന്നിവയ്ക്ക് പുറമെ പണവും വിലപിടിപ്പുള്ള വസ്തുക്കളും മോഷ്ടിച്ചതായും പ്രതി പറഞ്ഞു.
തൊണ്ടിമുതലുകൾ സഹിതം പ്രതിയെ തുടര്നടപടികൾക്കായി കൈമാറിയിട്ടുണ്ട്.
വീടിന്റെ വാതിലുകൾ സുരക്ഷിതമായി അടച്ച് സുരക്ഷ ഉറപ്പാക്കാനും വീടുകളിൽ നിരീക്ഷണ ക്യാമറകൾ സ്ഥാപിച്ച് സംരക്ഷിക്കാനും ആഭ്യന്തര മന്ത്രാലയം സമൂഹ മാധ്യമ അക്കൗണ്ടിൽ പൊതുജനങ്ങളോട് അഭ്യർത്ഥിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
