September 21, 2022
September 21, 2022
അൻവർ പാലേരി
ദോഹ : ഖത്തർ ലോകകപ്പിലെ മുഴുവൻ മത്സരങ്ങളും സൗജന്യമായി കാണാൻ ഭാഗ്യശാലികൾക്ക് അവസരം.ഫിഫാ ലോകകപ്പ് ഔദ്യോഗിക വെബ്‌സൈറ്റിൽ നൽകിയിരിക്കുന്ന അപേക്ഷാ ഫോമിനൊപ്പം 20 മുതൽ 60 സെക്കന്റ് വരെ ദൈർഘ്യമുള്ള സ്വയം പരിചയപ്പെടുത്തുന്ന വീഡിയോ കൂടി അയക്കുന്നവരിൽനിന്ന് തെരഞ്ഞെടുക്കപ്പെടുന്ന ഭാഗ്യശാലികൾക്കാണ് ഇതിനുള്ള അവസരമുണ്ടാവുക. 'എവരി ബ്യുട്ടിഫുൾ ഗെയിം' എന്ന പേരിലുള്ള ഈ വിഭാഗത്തിലേക്ക് അപേക്ഷിക്കാനുള്ള യോഗ്യതകൾ ഇവയാണ് :
• കുറഞ്ഞത് 21 വയസ്സ് പ്രായമുണ്ടായിരിക്കണം.
• ശാരീരിക ക്ഷമത തെളിയിക്കാനുള്ള രേഖ.
• സോഷ്യൽ മീഡിയ മികച്ച രീതിയിൽ ഉപയോഗപ്പെടുത്തുന്നതിലുള്ള പ്രാവീണ്യം.
• ക്യാമറ ഉപയോഗിക്കുന്നതിലുള്ള പ്രാവീണ്യം.
• നല്ല രീതിയിൽ ഇംഗ്ലീഷ് സംസാരിക്കാൻ കഴിയണം.
• നവംബർ 18 മുതൽ ഡിസംബർ 19 വരെ ഖത്തറിൽ ലഭ്യമായിരിക്കണം.
ലോകത്തിന്റെ ഏതുഭാഗത്തു നിന്നുള്ളവർക്കും മത്സരത്തിൽ പങ്കെടുക്കാം.
തെരഞ്ഞെടുക്കപ്പെടുന്നവർക്ക് സ്വദേശത്ത് നിന്നും ഖത്തറിൽ വന്നുപോകാനുള്ള മടക്ക ടിക്കറ്റ്,നവംബർ 18 മുതൽ ഡിസംബർ 19 വരെ ദോഹയിൽ ഹോട്ടൽ താമസം,ഭക്ഷണം,എല്ലാ ലോകകപ്പ് മത്സരങ്ങളും കാണാനുള്ള സൗജന്യ ടിക്കറ്റ്,ഹോട്ടലിൽ നിന്ന് സ്റ്റേഡിയങ്ങളിലേക്കും തിരിച്ചുമുള്ള സൗജന്യ ഗതാഗത സൗകര്യങ്ങൾ എന്നിവ ലഭിക്കും.
വിജയിയെ ഓരോ മത്സരത്തിലും സുപ്രീം കമ്മറ്റിയിൽ നിന്നുള്ള നിന്നുള്ള ഒരു പ്രതിനിധിയും സോഷ്യൽ മീഡിയയിൽ സ്വാധീനമുള്ള ഒരാളും അനുഗമിക്കും.
ഖത്തറിലെ എട്ട് അത്യാധുനിക സ്റ്റേഡിയങ്ങളിലായി നടക്കുന്ന ലോകകപ്പിലെ മഹാവിസ്മയങ്ങൾ അനുഭവിക്കാനും സമൂഹ മാധ്യമങ്ങളിൽ പങ്കുവെക്കാനും കഴിയുന്ന ഒരാളെയാണ് ഇതിലൂടെ അന്വേഷിക്കുന്നതെന്ന് സുപ്രീം കമ്മറ്റി കമ്മ്യൂണിക്കേഷൻസ് ആൻഡ് മീഡിയ എക്സിക്യൂട്ടീവ് ഡയറക്ടർ ഫത്‌മ അൽ നുഐമി പറഞ്ഞു.
അപേക്ഷിക്കാനുള്ള ലിങ്ക് ചുവടെ :
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
