April 13, 2023
April 13, 2023
ന്യൂസ്‌റൂം ബ്യൂറോ
ദോഹ: ലോകത്തിലെ മികച്ച 300 സര്‍വകലാശാലകള്‍ക്ക് മാത്രമേ ഖത്തറില്‍ ശാഖകള്‍ തുറക്കാന്‍ സാധിക്കൂ എന്ന് അധികൃതര്‍ വ്യക്തമാക്കി. ഇത് സംബന്ധിച്ച കരട് അന്തിമ ഘട്ടത്തിലാണെന്ന് അധികൃതര്‍ അറിയിച്ചു.
ഖത്തറിലെ ഉന്നത വിദ്യാഭ്യാസ സ്ഥാപനങ്ങളുടെ എണ്ണം 34 ആയതായി ഉന്നത വിദ്യാഭ്യാസ മന്ത്രാലയത്തിലെ ആക്ടിംഗ് അണ്ടര്‍സെക്രട്ടറി ഡോ. ഖാലിദ് അല്‍ അലി പറഞ്ഞു. 40,000 വിദ്യാര്‍ത്ഥികളാണ് 34 ഉന്നത വിദ്യാഭ്യാസ സ്ഥപനങ്ങളഇല്‍ നിന്ന് അധ്യയനം നടത്തുന്നതെന്നും അദ്ദേഹം കൂട്ടിച്ചേര്‍ത്തു.
സര്‍വ്വകലാശാലകളുടെ പ്രവര്‍ത്തനങ്ങളും മറ്റും വിലയിരുത്തിയ ശേഷം മാത്രമാണ് വിദേശ സര്‍വ്വകലാശാലകളെ ഖത്തറില്‍ ശാഖകള്‍ തുറക്കാന്‍ അനുവദിക്കൂ എന്നും അധികൃതര്‍ വ്യക്തമാക്കി. വിദ്യാഭ്യാസത്തിന്റെ ഗുണനിലവാരം ഉറപ്പാക്കുന്നതിന്റെ ഭാഗമായാണ് നടപടിയെന്നും അദ്ദേഹം അറിയിച്ചു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
