August 27, 2021
August 27, 2021
ദോഹ : ആഴ്ചകൾ നീണ്ട ഇടവേളക്ക് ശേഷം ഖത്തറിൽ ഒരാൾ കൂടി കോവിഡ് ബാധിച്ചു മരിച്ചു.ഇതിനു മുമ്പ് ജൂലായ് 28നാണ് ഖത്തറിൽ ഒരു കോവിഡ് മരണം റിപ്പോർട്ട് ചെയ്തത്.ഒരാൾ കൂടി മരിച്ചതോടെ രാജ്യത്തെ കോവിഡ് മരണം 602 ആയി.
കഴിഞ്ഞ 24 മണിക്കൂറിനുള്ളിൽ 212 പേർക്ക് കോവിഡ് സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. 213 പേർ രോഗമുക്തരായി.പുതിയ കേസുകളിൽ 145 പേര്ക്ക് സമൂഹ വ്യാപനത്തിലൂടെയാണ് രോഗം ബാധിച്ചത്. 67 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.ചികിത്സയിലുള്ള കോവിഡ് രോഗികളുടെ എണ്ണം 2,862 ആയി കുറഞ്ഞു.
കഴിഞ്ഞ 24 മണിക്കൂറിനുള്ളിൽ 11 പേർ ആശുപത്രിയിൽ ചികിത്സ തേടി. ആശുപത്രിയിൽ ചികിത്സയിലുള്ള കോവിഡ് രോഗികളുടെ എണ്ണം 70 ആയി കുറഞ്ഞു.
മൂന്നു പേരെയാണ് പുതുതായി ഐസിയുവിൽ പ്രവേശിപ്പിച്ചത്.22 പേർ ഇപ്പോൾ തീവ്രപരിചരണ വിഭാഗത്തിൽ ചികിത്സയിലാണ്.
