June 11, 2023
June 11, 2023
ന്യൂസ്‌റൂം ബ്യുറോ
മസ്കത്ത് : അവധിക്കാലമായതോടെ ദോഹയിലേക്കും ബഹ്റൈനിലേക്കും കൂടുതൽ വിമാന സർവീസുകൾ ഏർപ്പെടുത്തുമെന്ന് ഒമാൻ എയർ.യാത്രക്കാർക്ക് കൂടുതൽ സൗകര്യപ്രദമായ തരത്തിൽ.ഈ മാസം മുതൽ,മസ്‌കത്തിനും ബഹ്‌റൈനുമിടയിൽ ആഴ്ചയിൽ 21 സർവീസുകൾ നടത്താനാണ് തീരുമാനം.നിലവിൽ 11 പ്രതിവാര സർവീസുകൾ മാത്രമാണ് ഒമാൻ എയർ ബഹ്റൈനിലേക്ക് നടത്തുന്നത്.
അതേസമയം മസ്‌കത്തിനും ദോഹയ്‌ക്കുമിടയിലുള്ള സർവീസുകൾ ജൂൺ 24-മുതൽ ആഴ്ചയിൽ 21 ൽ നിന്നും 35 ആയി വർദ്ധിക്കും. വേനൽക്കാല ഷെഡ്യൂളിന്റെ ഭാഗമായാണ് സർവീസുകൾ വർധിപ്പിക്കുന്നത്. അതിരാവിലെ മുതൽ രാത്രി വൈകുവോളം, ഇഷ്ടമുള്ള സർവീസുകൾ തെരഞ്ഞെടുക്കാൻ യാത്രക്കാർക്ക് സൗകര്യമുണ്ടാകും..ജിസിസിയിലെ പ്രധാന നഗരങ്ങളുമായി മസ്‌കത്തിനെ ബന്ധിപ്പിക്കുന്നതിന് ഒമാൻ എയർ ദുബായിലേക്ക് ആഴ്ചയിൽ 35 വിമാനങ്ങളും റിയാദിലേക്കും ജിദ്ദയിലേക്കും ആഴ്ചയിൽ 21 വിമാനങ്ങളും കുവൈത്തിലേക്ക് ആഴ്ചയിൽ 14 വിമാനങ്ങളും സർവീസ് നടത്തും.
ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/HHOGGyLPTMH45QRaxZQRyz
