April 13, 2023
April 13, 2023
ന്യൂസ്റൂം ബ്യുറോ
ദോഹ: ലേബര് ക്യാമ്പുകളിലെ തൊഴിലാളികളൊടൊപ്പം നോമ്പ് തുറന്ന് ഒ.ഐ.സി.സി ഇന്കാസ് മലപ്പുറം സംഘടിപ്പിച്ച ഇഫ്താർ ശ്രദ്ധേയമായി.. ഖത്തറിലെ ഇന്ഡസ്ട്രിയല് ഏരിയയില് സ്ഥിതി ചെയ്യുന്ന വ്യത്യസ്ത ക്യാമ്പുകളിലായി ഏകദേശം മുന്നൂറോളം തൊഴിലാളികള്ക്കാണ് ഇഫ്താര് കിറ്റ് നല്കി അവർക്കൊപ്പം നോമ്പ് തുറന്നത്.
ജില്ല പ്രസിഡന്റ് നൗഫല് പി.സി കട്ടുപ്പാറ അധ്യക്ഷത വഹിച്ചു. ഒ.ഐ.സി.സി ഇന്കാസ് ഖത്തര് സെന്ട്രല് കമ്മിറ്റി പ്രസിഡന്റ് സമീര് ഏറാമല ഉദ്ഘാടനം ചെയ്തു. ജാഫര് കമ്ബാല സ്വാഗതവും ഇര്ഫാന് പകര നന്ദിയും പറഞ്ഞു.
സെന്ട്രല് കമ്മിറ്റിയുടെയും വിവിധ ജില്ല കമ്മിറ്റികളുടെയും പ്രതിനിധികളും പങ്കെടുത്തു. ജില്ല ഉപദേശകസമിതി ചെയര്മാന് സലീം ഇടശ്ശേരി, വൈ പ്രസിഡന്റ് ചാന്ദിഷ് ചന്ദ്രന്, അനീസ് കെടി വളപുരം സെക്രട്ടറിമാരായ നിയാസ് കൈപ്പേങ്ങല് , സുഹൈല് ചെറുകര, ഹസന് പൊന്നേത് , അക്ബര്, ആഷിക് അയിരൂര്, വസീം അബ്ദുല് റസാക്ക്, ഷറഫു, ഷാഫി നരണിപ്പുഴ, നിയാസ് ചേനങ്ങാടന്, പ്രജീഷ് തുടങ്ങിയവര് നേതൃത്വം നല്കി.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI