December 19, 2023
December 19, 2023
ദോഹ: ഖത്തറിൽ പുനരുപയോഗിക്കാവുന്ന വസ്തുക്കളും ജൈവ മാലിന്യങ്ങളും വേർതിരിക്കുന്ന പദ്ധതിയുടെ രണ്ടാം ഘട്ടത്തിൽ അഞ്ച് പ്രദേശങ്ങളിൽ കൂടിവിതരണം ചെയ്തു. അൽ തുമാമ, നുഐജ (44) എന്നീ പ്രദേശങ്ങളിലാണ് പുതിയ കണ്ടെയ്നറുകൾ ലഭ്യമാക്കിയത്.
ചാര നിറത്തിലുള്ള കണ്ടെയ്നറുകളിൽ ഗ്ലാസ്, പ്ലാസ്റ്റിക്, പേപ്പറുകൾ, മെറ്റലുകൾ തുടങ്ങിയ പുനരുപയോഗം ചെയ്യാവുന്ന വസ്തുക്കളും, നീല നിറത്തിലുള്ള കണ്ടെയ്നറുകളിൽ ഭക്ഷ്യ മാലിന്യങ്ങളും ശുചീകരണ സാമഗ്രികളും എന്നിങ്ങനെയാണ് വേർതിരിക്കേണ്ടത്. ഖത്തർ നാഷണൽ വിഷൻ 2030യുടെ ഭാഗമായാണ് പദ്ധതി. കഴിഞ്ഞ മാസം ഉം ലഖ്ബ, മദീന ഖലീഫ (തെക്ക്), അൽ മർഖിയ, നുഐജ, ഹിലാൽ എന്നിവിടങ്ങളിലാണ് കണ്ടെയ്നറുകൾ സ്ഥാപിച്ചിരുന്നു.
2026-ൽ ഉം സലാൽ, അൽ ദായെൻ, അൽ ഖോർ, അൽ ഷമാൽ എന്നിവിടങ്ങളിലും, 2027 അവസാനത്തോടെ അൽ റയാൻ, അൽ വക്ര, അൽ ഷിഹാനിയ എന്നിവിടങ്ങളിലും പദ്ധതി നടപ്പാക്കുമെന്ന് ജനറൽ ക്ലെൻലിനൻസ് ഡിപ്പാർട്ട്മെന്റ് ഡയറക്ടർ മുഖ്ബിൽ മധൂർ അൽ ഷമ്മാരി പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F