March 06, 2024
March 06, 2024
ദോഹ: ഖത്തറിലെ സ്പോർട്സ് സിറ്റി മെട്രോ സ്റ്റേഷന് ജിഎസ്എഎസ് പ്ലാറ്റിനം അവാർഡ് ലഭിച്ചു. ഗൾഫ് ഓർഗനൈസേഷൻ ഫോർ റിസർച്ച് ആൻഡ് ഡവലപ്‌മെൻ്റിൻ്റെ (GORD) സുസ്ഥിര പ്രവർത്തനങ്ങൾക്കുള്ള ഗ്ലോബൽ സസ്റ്റൈനബിലിറ്റി അസസ്‌മെൻ്റ് സിസ്റ്റം (GSAS) പ്ലാറ്റിനം സർട്ടിഫിക്കറ്റ് ദോഹ മെട്രോയിലെ സ്‌പോർട് സിറ്റി സ്റ്റേഷന് ലഭിച്ചതായി ഖത്തർ റെയിൽവേ കമ്പനി (ഖത്തർ റെയിൽ) അറിയിച്ചു. ഖത്തർ റെയിൽ സ്ട്രാറ്റജി ആൻഡ് ബിസിനസ് ഡെവലപ്‌മെൻ്റ് ചീഫ് അജ്‌ലാൻ ഈദ് അൽ ഇനാസി, സ്‌പോർട് സിറ്റി സ്‌റ്റേഷനിൽ നടന്ന ചടങ്ങിൽ GORD സ്ഥാപക ചെയർമാൻ ഡോ. യൂസഫ് മുഹമ്മദ് അൽ ഹോറിൽ നിന്ന് സർട്ടിഫിക്കറ്റ് ഏറ്റുവാങ്ങി.
ദോഹ മെട്രോ സ്റ്റേഷനുകളിൽ ഗ്രീൻ ബിൽഡിംഗ് സ്റ്റാൻഡേർഡുകൾ സ്വീകരിക്കുന്നതിനും, സുസ്ഥിരത വർധിപ്പിക്കുന്നതിനും, വിവിധ മെട്രോ സൗകര്യങ്ങളുടെ ഉയർന്ന നിലവാരത്തിനുമുള്ള ഖത്തർ റെയിലിൻ്റെ ശ്രമങ്ങളുടെ ഭാഗമാണ് നേട്ടം. ഊർജ്ജ കാര്യക്ഷമത, ഇൻഡോർ പരിസ്ഥിതി ഗുണനിലവാരം, മാലിന്യം കൈകാര്യം ചെയ്യൽ, സൗകര്യങ്ങൾ കൈകാര്യം ചെയ്യൽ, ജല ഉപയോഗം, പരിസ്ഥിതി നയങ്ങൾ, അവബോധം എന്നിവ വിലയിരുത്തിയതിന് ശേഷമാണ് അവാർഡ് നേടിയത്.
2023 സെപ്റ്റംബറിൽ അൽ ബിദ്ദ സ്‌റ്റേഷനു പിന്നാലെ, സുസ്ഥിര പ്രവർത്തനങ്ങൾക്കായി ജിഎസ്എഎസ് പ്ലാറ്റിനം സർട്ടിഫിക്കറ്റ് ലഭിക്കുന്ന ദോഹ മെട്രോ ശൃംഖലയിലെ മൂന്നാമത്തെ മെട്രോ സ്‌റ്റേഷനാണ് സ്പോർട്സ് സിറ്റി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
