March 07, 2024
March 07, 2024
ദോഹ : ഖത്തറിലെ വിവിധ മേഖലകളിൽ പ്രവർത്തിക്കുന്ന സ്ഥാപനങ്ങൾ നേരിടുന്ന വിവിധ പ്രശ്നങ്ങൾക്കും സങ്കീര്ണതകൾക്കും പരിഹാരം കാണാൻ സമ്പൂർണ ഡിജിറ്റൽ സൊലൂഷൻ ടെക്നോളജിയുമായി പുതിയ സംരംഭം പ്രവർത്തനം തുടങ്ങി. വിദ്യാഭ്യാസ മേഖലയിലെയും വ്യവസായ നിർമ്മാണ മേഖലകളിലെയും വിതരണ ശൃംഖലകൾ,ലോജിസ്റ്റിക് വാഹന വിതരണ സ്ഥാപനങ്ങൾ തുടങ്ങിയവ അഭിമുഖീകരിക്കുന്ന വ്യത്യസ്ത പ്രശ്നങ്ങൾക്ക് പരിഹാരം കാണുന്ന ആർട്ടിഫിഷ്യൽ ഇന്റലിജൻസ് സംവിധാനം ഉപയോഗിച്ചുള്ള ടെക്നോളജിയാണ് ഓട്ടോ ട്രേസ് സ്പീഡ് ടെക്( auto trace speed tech)പുറത്തിറക്കിയത്.
ഖത്തറിലെ വിവിധ മേഖലകളിൽ നേരിടുന്ന പ്രശ്നങ്ങൾക്ക് പരിഹാരം കാണുകയാണ് കമ്പനി ലക്ഷ്യമാക്കുന്നതെന്ന് ഓട്ടോ ട്രേസ് സ്പീഡ് ടെക് കമ്പനി സി.ഇ.ഒ സുബൈർ മുല്ലോളി അഭിപ്രായപ്പെട്ടു.നിർമ്മാണ മേഖലകൾക്ക് ഉപകാരപ്രദമായ തരത്തിൽ വിവിധ തരം സാങ്കേതിക വിദ്യകൾ ഏകോപിപ്പിച്ചും അത്യാധുനിക സെൻസർ സംവിധാനങ്ങൾ ഉപയോഗിച്ചുമുള്ള അസറ്റ് മാനേജ്മെന്റ് സിസ്റ്റം ഉപയോഗിച്ച് കമ്പനിക്ക് കീഴിലെ വാഹനങ്ങളുടെ ഇന്ധന ഉപഭോഗം വരെ മനസിലാക്കാൻ കഴിയുന്ന തരത്തിലാണ് ടെക്നോളജി വികസിപ്പിച്ചതെന്ന് ഓട്ടോ ട്രേസ് ഡവലപ്മെന്റ് പ്രതിനിധി നടരാജ തങ്കവേലു, ഇന്ത്യൻ സർവീസ് പ്രൊവൈഡർ സി.ഇ.ഒ രാഹുൽ യാദവ്, എന്നിവർ വിശദീകരിച്ചു.
സ്കൂൾ വുദ്യാർത്ഥികളുടെ ലൈവ് ട്രാക്കിംഗ് ഉൾപ്പെടെയുള്ള,അധ്യാപകരും രക്ഷിതാക്കളും നേരിടുന്ന വിവിധ പ്രശ്നങ്ങൾക്ക് പരിഹാരമായി സ്പീഡ് ടെക് ആപ്പും കമ്പനി പുറത്തിറക്കിയിട്ടുണ്ട്. സ്പീഡ് ടെക് ആൻഡ് ഓട്ടോ ട്രേസ് ജനറൽ മാനേജർമുഹമ്മദ് ഷെഫീഖ്, ഖത്തർ ഓപ്പറേഷൻ മേധാവി ജെസീൽ, വിവിധ കമ്പനികളുടെ പ്രതിനിധികൾ എന്നിവർ സെമിനാറിൽ പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F