December 27, 2023
December 27, 2023
ദോഹ: സൗദി അറേബ്യക്കും ഖത്തറിനുമിടയില്‍ യാത്രാ നടപടികൾ സുഗമമാക്കുന്നത് സംബന്ധിച്ച പദ്ധതിയിൽ ഖത്തറും സൗദി അറേബ്യയും ഒപ്പുവെച്ചു. യാത്രാ നടപടികൾ എളുപ്പമാക്കുന്നതിനും ഖത്തറിന്റെ അബു സമ്രയുടെയും സൗദിയുടെ സൽവയുടെയും അതിർത്തി ഓഫിസുകൾ തമ്മിൽ ഡേറ്റകൾ കൈമാറുന്നതും സംബന്ധിച്ചുള്ള കരാറിലാണ് ഒപ്പുവെച്ചത്.
റിയാദിലെ സൗദി ആഭ്യന്തര മന്ത്രാലയ ആസ്ഥാനത്തു സൗദി ആഭ്യന്തര മന്ത്രി അബ്ദുല്‍ അസീസ് ബിന്‍ സൗദ് രാജകുമാരനും ഖത്തർ ആഭ്യന്തര മന്ത്രിയും ആഭ്യന്തര സുരക്ഷാ സേനയായ ലഖ്‌വിയയുടെ കമാൻഡറുമായ ശൈഖ് ഖലീഫ ബിന്‍ ഹമദ് ബിന്‍ ഖലീഫ അല്‍ഥാനിയും നടത്തിയ ചര്‍ച്ചക്കിടെയാണ് ഇരു രാജ്യങ്ങള്‍ക്കുമിടയില്‍ കരാര്‍ തീരുമാനമായത്. കരാറില്‍ സൗദി ജവാസാത്ത് മേധാവി ജനറല്‍ സുലൈമാന്‍ അല്‍യഹ്‌യയും ഖത്തര്‍ ജവാസാത്ത് മേധാവി മേജര്‍ ജനറല്‍ മുഹമ്മദ് അല്‍ദോസരിമാണ് ഒപ്പുവെച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
