March 13, 2024
March 13, 2024
ദോഹ: കത്താറ കള്‍ച്ചറല്‍ വില്ലേജ് റമദാന്‍ പരിപാടികളുടെ ഭാഗമായി പൊതുജനങ്ങള്‍ക്കായി ഫോട്ടോഗ്രഫി മത്സരം സംഘടിപ്പിക്കുന്നു. മാര്‍ച്ച് 24 വരെ ചിത്രങ്ങള്‍ അയക്കാന്‍ അവസരമുണ്ടെന്ന് കത്താറ സാമൂഹിക മാധ്യമങ്ങളിലൂടെ അറിയിച്ചു. എല്ലാ പൗരന്‍മാര്‍ക്കും മത്സരത്തില്‍ പങ്കെടുക്കാന്‍ കഴിയും. മാര്‍ച്ച് 11നും 24നും ഇടയില്‍ കത്താറ കള്‍ച്ചറല്‍ വില്ലേജില്‍ പകര്‍ത്തിയ റമദാനുമായി ബന്ധപ്പെട്ട ചിത്രങ്ങളാണ് മത്സരത്തിന് അയക്കേണ്ടത്. പ്രൊഫഷണല്‍ ക്യാമറകള്‍ ഉപയോഗിച്ച് എടുക്കുന്ന ചിത്രങ്ങള്‍ക്കാണ് സമ്മാനം.
“Best Photo” Competition
— كتارا | Katara (@kataraqatar) March 12, 2024
as part of #Katara events during the blessed month of #Ramadan for the year 1445 H - 2024 AD pic.twitter.com/bWPD7ZX2BN
ഒന്നാം സ്ഥാനം നേടുന്നയാള്‍ക്ക് 12,000 റിയാല്‍ സമ്മാനമായി ലഭിക്കും. രണ്ടാം സ്ഥാനത്തിന് 8,000 റിയാല്‍, മൂന്നാം സ്ഥാനക്കാര്‍ക്ക് 6000 റിയാല്‍ എന്നിങ്ങനെയാണ് സമ്മാനത്തുക. താല്‍പര്യമുള്ളവര്‍ വീ ട്രാന്‍സ്ഫറിലൂടെ education@katara.net എന്ന ഇ-മെയിലൂടെ ചിത്രങ്ങള്‍ അയക്കണം.
നിര്‍ദേശങ്ങള്‍:
1) ഒരാള്‍ക്ക് ആറ് ചിത്രങ്ങള്‍ വരെ സമര്‍പ്പിക്കാം.
2) ചിത്രങ്ങള്‍ ഏതെങ്കിലും വ്യക്തികളുടേയോ, സ്ഥാപനങ്ങളുടേയോ അവകാശങ്ങള്‍ ലംഘിക്കുന്നതാവരുത്.
3) ചിത്രങ്ങളില്‍ എഡിറ്റിംഗ് പാടില്ല
4) ചിത്രങ്ങളില്‍ ആരുടേയെങ്കിലും ഒപ്പോ, ലോഗോയോ പാടില്ല
5) നിര്‍ദേശങ്ങള്‍ ലംഘിക്കുന്ന ചിത്രങ്ങള്‍ അയോഗ്യമാക്കും.
6) മത്സരവുമായി ബന്ധപ്പെട്ട കാര്യങ്ങളില്‍ ജൂറിയുടെ തീരുമാനം അന്തിമമാണ്.
7) അപേക്ഷകര്‍ ഫോട്ടോയ്‌ക്കൊപ്പം തിരിച്ചറിയല്‍ കാര്‍ഡിന്റെ കോപ്പി, മൊബൈല്‍ നമ്പര്‍ എന്നിവ ചേര്‍ക്കണം
8) ഫോട്ടോഗ്രഫി പെര്‍മിറ്റിനായി മത്സരത്തില്‍ രജിസ്റ്റര്‍ ചെയ്യണം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
