December 11, 2023
December 11, 2023
ദോഹ: ഖത്തർ ആഭ്യന്തര മന്ത്രാലയത്തിന്റെ ലേല നടപടികൾക്കായുള്ള 'സൂം' ആപ്പിൽ നമ്പർ പ്ലേറ്റ് ബിഡിങ് ലേലം ഡിസംബർ 18ന് നടക്കുമെന്ന് ജനറൽ ട്രാഫിക് അഡ്മിനിസ്ട്രേഷൻ അറിയിച്ചു. ആഭ്യന്തര മന്ത്രാലയത്തിന്റെ ഔദ്യോഗിക സോഷ്യൽ മീഡിയ അക്കൗണ്ടുകളിലൂടെയാണ് മന്ത്രാലയം ഈ കാര്യം അറിയിച്ചത്.
സൂം ആപ്പിലെ "ഷോ ഇന്റെരെസ്റ്റ്" എന്ന ഓപ്ഷനിലാണ് ലേലം നടക്കുക. തെരഞ്ഞെടുത്ത നമ്പർ ആവശ്യമുള്ളത് ഒരാൾക്ക് മാത്രമാണെങ്കിൽ പറഞ്ഞ വിലയ്ക്ക് നമ്പർ വിൽക്കുമെന്നും, ഒന്നിലധികം ആളുകൾ ഒരു നമ്പറിന് താൽപ്പര്യം കാണിക്കുകയാണെങ്കിൽ, താൽപ്പര്യമുള്ളവർക്കിടയിൽ ഒരു ഇന്റേണൽ ബിഡ്ഡിംഗ് നടത്തുമെന്നും അധികൃതർ വ്യക്തമാക്കി.
"ലേലത്തിൽ പങ്കെടുക്കാൻ താൽപര്യമുള്ള നമ്പർ തിരഞ്ഞെടുത്തതിന് ശേഷം ഡെപ്പോസിറ്റ് തുക അടക്കണം. തുടർന്ന് നിർദ്ദിഷ്ട സമയ കാലയളവിനായി കാത്തിരിക്കണം" - മന്ത്രാലയം പറഞ്ഞു.
അതേസമയം, മൊബൈല് ആപ് സ്റ്റോറില് നിന്ന് ആപ്ലിക്കേഷന് ഡൗണ്ലോഡ് ചെയ്യാമെന്ന് മന്ത്രാലയം ഓർമിപ്പിച്ചു. ആൻഡ്രോയിഡിലും ആപ്പിൾ സ്റ്റോറിലും ആപ്പ് ലഭ്യമാണ്. മെട്രേഷ് 2 ആപ്പിലെ വിശദാംശങ്ങളിലൂടെയോ പുതിയ അക്കൗണ്ട് സൃഷ്ടിച്ചോ ആപ്ലിക്കേഷന് ഉപയോഗിക്കാന് കഴിയും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F