September 04, 2023
September 04, 2023
ദോഹ: ഖത്തറിൽ ഡ്രൈവിങ്ങിനിടെയുള്ള നിയമലംഘനങ്ങൾ കണ്ടെത്താൻ പുതിയ റഡാർ മോണിറ്ററുകൾ കഴിഞ്ഞ ദിവസം മുതൽ പ്രവർത്തിച്ച് തുടങ്ങിയിരിക്കുകയാണ്. ഇത്തരം ലംഘനങ്ങൾക്ക് കിഴിവുകളൊന്നും ലഭിക്കില്ലെന്ന് ജനറൽ ട്രാഫിക് ഡിപ്പാർട്ട്‌മെന്റ് അറിയിച്ചു.
സീറ്റ് ബെൽറ്റ് ഉപയോഗിക്കാതിരിക്കുക, മൊബൈൽ ഫോൺ ഉപയോഗിക്കുക, അമിതവേഗത എന്നിങ്ങനെ മൂന്ന് നിയമലംഘനങ്ങൾ ഒരേസമയം കണ്ടെത്താൻ പുതിയ റഡാർ സംവിധാനങ്ങൾക്ക് കഴിയുമെന്ന് ഖത്തർ റേഡിയോയ്ക്ക് നൽകിയ അഭിമുഖത്തിൽ ക്യാപ്റ്റൻ അൽ-കുവാരി പറഞ്ഞു. സീറ്റ്ബെൽറ്റിനുള്ള പിഴ [500 റിയാൽ] 30 ദിവസത്തിനുള്ളിൽ അടക്കുകയാണെങ്കിൽ ചെറിയ കിഴിവിന് അർഹതയുണ്ട്. എന്നാൽ, മൊബൈൽ ഫോൺ ഉപയോഗിക്കുന്നതിന് [500 റിയാൽ] കിഴിവ് ലഭിക്കുന്നതല്ലെന്നും അദ്ദേഹം അഭിമുഖത്തിൽ വ്യക്തമാക്കി.
സീറ്റ് ബെൽറ്റ് ധരിക്കുന്നതും മൊബൈൽ ഫോൺ ഉപയോഗിക്കാതിരിക്കുന്നതും ട്രാഫിക് അപകടങ്ങൾ കുറയ്ക്കുന്നതിന് സഹായിക്കുമെന്നും, ട്രാഫിക് അപകടങ്ങളിൽ 50 മുതൽ 60 ശതമാനം വരെ ഈ രണ്ട് ലംഘനങ്ങൾ മൂലമാണെന്നും അദ്ദേഹം പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
