February 20, 2024
February 20, 2024
ദോഹ: ഗസയിൽ നിന്ന് വൈദ്യചികിത്സയ്ക്കായി ഫലസ്തീനികളുടെ പതിനാറാമത്തെ സംഘം ഖത്തറിലെത്തി. ഖത്തർ സായുധ സേനയുടെ രണ്ട് വിമാനത്തിലാണ് പരിക്കേറ്റവർ ദോഹയിലെത്തിയത്. എല്ലാ മെഡിക്കൽ ടീമുകൾക്കും, വ്യോമസേനാ ജീവനക്കാർക്കും, സഹപ്രവർത്തകർക്കും വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി ലുൽവ ബിൻത് റാഷിദ് അൽ ഖാതർ നന്ദി അറിയിച്ചു. സംഘത്തിൽ നിരവധി മാതപിതാക്കൾ കുട്ടികളുമായി ഒത്തുചേരുന്നതിന് സാക്ഷ്യം വഹിച്ചുവെന്നും ലുൽവ എക്സിലൂടെ പറഞ്ഞു.
نسأل الله السلامة للجميع ????????
— لولوة الخاطر Lolwah Alkhater (@Lolwah_Alkhater) February 20, 2024
بفضل الله ومنته وصلت منذ قليل دفعة جديدة من الأشقاء الفلسطينيين المصابين ومرافقيهم إلى دولة قطر على متن طائرتين- للإخلاء الطبي- تابعتين للقوات المسلحة وذلك لاستكمال علاجهم.
لهذه الرحلة تحديدا وقع خاص حيث شهدت لم شمل عدد من الآباء والأمهات مع… pic.twitter.com/fxozTRiuQI
ഗസയില് പരിക്കേറ്റ 1500 ഫലസ്തീനികൾക്ക് ചികിത്സയും, ഗസയില് അനാഥരായ 3000 പേരുടെ സ്പോണ്സര്ഷിപ്പും ഏറ്റെടുക്കുമെന്ന് ഖത്തർ അമീര് ഷെയ്ഖ് തമീം ബിന് ഹമദ് അല്താനി പ്രഖ്യാപിച്ചിരുന്നു. ഗസയിലെ ഫലസ്തീന് ജനതയ്ക്ക് സഹായം നല്കുന്നതിന്റെ ഭാഗമായാണ് നടപടി. എന്നാൽ, ഗസയിൽ നിന്ന് ചികിത്സയ്ക്കായി ഖത്തറിലെത്തിച്ചവരുടെ എണ്ണമോ, ചികിത്സ നൽകുന്ന ആരോഗ്യ സ്ഥാപനങ്ങളെ കുറിച്ചുള്ള വിവരങ്ങളോ അധികൃതർ ഇതുവരെ പുറത്തുവിട്ടിട്ടില്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F