August 09, 2023
August 09, 2023
ന്യൂസ്റൂം ബ്യൂറോ
ദോഹ: ഖത്തറിലേക്ക് മയക്കുമരുന്ന് കടത്താനുള്ള ശ്രമം ഹമദ് വിമാനത്താവളത്തിലെ കസ്റ്റംസ് വിഭാഗം.പരാജയപ്പെടുത്തി.
ബെൽറ്റിനുള്ളിൽ ഒളിപ്പിച്ച നിലയിലാണ് മയക്കുമരുന്ന് കണ്ടെത്തിയതെന്ന് കസ്റ്റംസ് അധികൃതർ വ്യക്തമാക്കി. യാത്രികന്റെ ശരീരത്തിൽ അജ്ഞാത വസ്തു കെട്ടിയിരുന്നതായി അധികൃതരുടെ ശ്രദ്ധയിൽ പെട്ടതിനെ തുടർന്നാണ് പരിശോധന നടത്തിയത്. 1.9 കിലോ മയക്കുമരുന്നാണ് പിടിച്ചെടുത്തത്.
കുറച്ച് ദിവസങ്ങൾക്ക് മുമ്പ്,വിമാനത്താവളത്തിലെത്തിയ യാത്രക്കാരനിൽ നിന്ന് മെത്താംഫെറ്റാമൈൻ മയക്കുമരുന്ന് കസ്റ്റംസ് പിടികൂടിയിരുന്നു.
മയക്കുമരുന്ന് ഉൾപെടെ രാജ്യത്തേക്ക് അനധികൃത വസ്തുക്കൾ കൊണ്ടുവരുന്നതിനെതിരെ കസ്റ്റംസ് വിഭാഗം മുന്നറിയിപ്പ് നൽകിയിട്ടുണ്ട്. അത്യാധുനിക ഉപകരണങ്ങളും, യാത്രക്കാരുടെ ശരീരഭാഷ വായിക്കാനും, കള്ളക്കടത്തുകാര് പിന്തുടരുന്ന രീതികളും കണ്ടെത്തുന്നതിനുള്ള പരിശീലനങ്ങളും അധികൃതർ കസ്റ്റംസ് ഉദ്യോഗസ്ഥർക്ക് തുടർച്ചയായി നൽകുന്നുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm