August 29, 2023
August 29, 2023
ദോഹ:മദീന ഖലീഫയിലെ ജനറല്‍ ഡയറക്ടറേറ്റ് ഓഫ് ട്രാഫിക് ഹെഡ്ക്വാര്‍ട്ടേഴ്സില്‍ ഇലക്ട്രിക് വാഹന ചാര്‍ജിങ് സ്റ്റേഷന്‍ പ്രവർത്തനമാരംഭിച്ചു.ഖത്തര്‍ ജനറല്‍ ഇലക്ട്രിസിറ്റി ആന്‍ഡ് വാട്ടര്‍ കോര്‍പ്പറേഷനും (കഹ്റാമ) ജനറല്‍ ട്രാഫിക് ഡിപ്പാര്‍ട്ട്മെന്റും സംയുക്തമായാണ് 100 കിലോവാട്ട് ശേഷിയുള്ള പരിസ്ഥിതി സൗഹൃദ ഫാസ്റ്റ് ചാര്‍ജിംഗ് സ്റ്റേഷൻ സ്ഥാപിച്ചത്.
20 മിനിറ്റിനുള്ളില്‍ ഒരേസമയം രണ്ട് വാഹനങ്ങള്‍ ചാര്‍ജ് ചെയ്യാന്‍ ഇതിന് ശേഷിയുണ്ട്.പരിസ്ഥിതി സുസ്ഥിരതയുമായി ബന്ധപ്പെട്ട് ആഭ്യന്തര മന്ത്രാലയത്തിന് കീഴിൽ സ്ഥാപിക്കുന്ന ഇത്തരം രണ്ടാമത്തെ ചാർജിങ് സ്റ്റേഷനാണിത്.നേരത്തെ അൽഫസ ബിൽഡിങ്ങിൽ ആദ്യ ചാർജിങ് സ്റ്റേഷൻ സ്ഥാപിച്ചിരുന്നു.
രാജ്യവ്യാപകമായി തന്ത്രപ്രധാനമായ സ്ഥലങ്ങളിൽ അതിവേഗ ചാർജിങ് സ്റ്റേഷനുകൾ സ്ഥാപിച്ച് ഇലക്ട്രിക് വാഹനങ്ങളെ പിന്തുണയ്ക്കുന്നതിന് ആവശ്യമായ അടിസ്ഥാന സൗകര്യങ്ങൾ ഒരുക്കാൻ കഹ്രാമ പ്രതിജ്ഞാബദ്ധമാണെന്ന് ഉത്ഘാടന ചടങ്ങിൽ കഹ്രാമ ഷെയർഡ് സർവീസസ് ഡയറക്ടർ ഡോ. അബ്ദുല്ല മൊഹ്‌സിൻ അൽ വഹേദി പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
