November 27, 2023
November 27, 2023
ദോഹ: ഖത്തറിലെ കത്താറ കള്ച്ചറല് വില്ലേജില് ഇലക്ട്രിക വാഹനങ്ങള്ക്കായി പുതിയ ചാര്ജിംഗ് സ്റ്റേഷന് ആരംഭിക്കുന്നു. ജനറല് ഇലക്ട്രിസിറ്റി ആന്റ് വാട്ടര് കോര്പ്പറേഷനുമായി (കഹ്റാമ) സഹകരിച്ചാണ് പുതിയ ചാര്ജിംഗ് സ്റ്റേഷന് ആരംഭിക്കുന്നത്. 180 കിലോ വാട്ടില് ഖത്തറിലെ ഏറ്റവും വേഗതയേറിയ ചാര്ജിംഗ് പോയിന്റുകളിലൊന്നാണ് കത്താറയില് ആരംഭിക്കുന്നത്. അരമണിക്കൂറിനുള്ളില് കാറുകള് ചാര്ജ് ചെയ്യാന് കഴിയും.
രാജ്യത്തെ തന്ത്രപ്രധാന സ്ഥലങ്ങളില് അതിവേഗ ചാര്ജിംഗ് പോയിന്റുകള് സ്ഥാപിക്കുന്നതിനുള്ള സംയുക്ത സംരഭത്തിന്റെ ഭാഗമായാണ് പുതിയ ചാര്ജിംഗ് സ്റ്റേഷന് സ്ഥാപിക്കുന്നതെന്ന് കത്താറ എക്സില് കുറിച്ചു.
2022ലെ ഫിഫ ലോകകപ്പിനോടനുബന്ധിച്ച് 100 ഇലക്ട്രിക് ചാര്ജിംഗ് സ്റ്റേഷനുകളാണ് കഹ്റാമ സ്ഥാപിച്ചത്. 2025-ഓടെ 600 മുതല് 1000 അതിവേഗ ചാര്ജിംഗ് സ്റ്റേഷനുകള് രാജ്യത്തുടനീളം സ്ഥാപിക്കാനാണ് കഹ്റാമ ലക്ഷ്യമിടുന്നത്. വാണിജ്യ വ്യവസായ മന്ത്രാലയം, ഗതാഗത മന്ത്രാലയം എന്നിവയുമായി സഹകരിച്ചാണ് ചാര്ജിംഗ് സ്റ്റേഷനുകള് സ്ഥാപിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F