March 31, 2024
March 31, 2024
ദോഹ: ഖത്തറിൽ ആദ്യത്തെ ദേശീയ ഇ-കാർഡ് 'ഹിമ്യാൻ' പുറത്തിറക്കിയതായി ഖത്തർ സെൻട്രൽ ബാങ്ക് (ക്യു.സി.ബി) അറിയിച്ചു. രാജ്യത്തെ ഡിജിറ്റൽ പേയ്മെൻ്റ് ഇൻഫ്രാസ്ട്രക്ചർ വികസിപ്പിക്കുന്നതിൻ്റെ ഭാഗമായാണ് പുതിയ സംരംഭം.
ദേശീയ നെറ്റ്വർക്കായ എൻഎപിഎസ് (NAPS) വഴി നടത്തുന്ന എല്ലാ ഇടപാടുകളും കോൺടാക്റ്റ്ലെസ് ഇടപാടുകളായി നടത്താൻ കാർഡ് ഉപകരിക്കും. കുറഞ്ഞ ഇടപാട് ചിലവുകളോടെ പ്രാദേശിക ബാങ്കുകളിലെ സ്വകാര്യ അക്കൗണ്ടുകളുമായി കാർഡ് ലിങ്ക് ചെയ്യാൻ സാധിക്കും. സ്മാർട്ട് ചിപ്പ് സാങ്കേതികവിദ്യയും പിൻകോഡുകളും ഉപയോഗിക്കുന്നത് മൂലം ഹിമ്യാൻ ഉപഭോക്താക്കളുടെ ഡാറ്റയും സാമ്പത്തിക വിവരങ്ങളും സംരക്ഷിക്കുന്നത് ഉറപ്പുവരുത്താൻ സാധിക്കുമെന്നും ക്യുസിബി വ്യക്തമാക്കി.
ഹിമ്യാൻ ഉപയോഗിച്ച് പ്രാദേശിക ബാങ്ക് ഉപഭോക്താക്കൾക്ക് രാജ്യത്തെ എല്ലാ എടിഎമ്മുകളിൽ നിന്നും പണം പിൻവലിക്കാം. കൂടാതെ എടിഎമ്മുകൾ വഴി പണം നിക്ഷേപിക്കാനും സാധിക്കും. QPAY യുടെ പേയ്മെൻ്റ് പോർട്ടൽ വഴി രാജ്യത്തുടനീളമുള്ള എല്ലാ വിൽപ്പന കേന്ദ്രങ്ങളിലും കൂടാതെ പ്രാദേശിക ഓൺലൈൻ ഷോപ്പിംഗ് സൈറ്റുകളിലൂടെ ഇരുപത്തിനാല് മണിക്കൂറും തടസ്സമില്ലാതെ പണമിടപാടുകൾ നടത്താനും സാധിക്കും.
ഉപഭോക്താക്കൾക്ക് ബാങ്കിൻ്റെ കാർഡ് ഇഷ്യൂ ചെയ്യുന്ന ചാനലുകൾ വഴി നേരിട്ട് ഹിമ്യാന് അപേക്ഷിക്കാം. പ്രാദേശിക ബാങ്ക് ഉപഭോക്താക്കൾക്ക് കാർഡ് സൗജന്യമായി ലഭിക്കും. ക്യുഎൻബി, ദോഹ ബാങ്ക്, മസ്റഫ് അൽ റയാൻ, ഖത്തർ ഇസ്ലാമിക് ബാങ്ക്, ദുഖാൻ ബാങ്ക്, ഖത്തർ ഇൻ്റർനാഷണൽ ഇസ്ലാമിക് ബാങ്ക്, കൊമേഴ്സ്യൽ ബാങ്ക് എന്നീ ബാങ്കുകളിൽ നിന്നെല്ലാം ദേശീയ ഇ-കാർഡായ ഹിമ്യാൻ ലഭ്യമാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F