October 26, 2023
October 26, 2023
ദുബായ്: സ്വകാര്യ കമ്പനികള്‍ക്ക് യുഎഇയിലെ താമസക്കാരുടെ വിസ, പാസ്‌പോര്‍ട്ട് വിവരങ്ങള്‍ എമിറേറ്റ്‌സ് ഐഡി സ്‌കാന്‍ ചെയ്യാതെ തന്നെ ലഭ്യമാക്കാന്‍ 'അകീദ്' എന്ന പേരില്‍ പുതിയ ആപ്ലിക്കേഷന്‍ അവതരിപ്പിച്ചു. ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്റ് പോര്‍ട്ട് സെക്യൂരിറ്റി (ഐസിപി) ഫെഡറല്‍ അതോറിറ്റിയാണ് ആപ് അവതരിപ്പിച്ചത്.
വേള്‍ഡ് ട്രേഡ് സെന്ററില്‍ നടന്ന ജൈടെക്‌സ് ഗ്ലോബലിലാണ് പുതിയ സംവിധാനം അതോറിറ്റി പുറത്തിറക്കിയത്. ഈ വര്‍ഷം അവസാനത്തിലോ അടുത്ത വര്‍ഷം ആദ്യമോ ആപ് പുറത്തിറക്കാനാണ് പദ്ധതി. നിലവില്‍ യുഎഇയില്‍ താമസക്കാരുടെ വിസ, പാസ്‌പോര്‍ട്ട് വിവരങ്ങള്‍ ലഭിക്കാന്‍ ഐസിപി ഡേറ്റ ബേസില്‍ നിന്ന് എമിറേറ്റ്‌സ് ഐഡി സ്‌കാന്‍ ചെയ്യണം. ആരോഗ്യസംരക്ഷണം, ധനകാര്യം, ഇന്‍ഷുറന്‍സ് എന്നീ മേഖലകളില്‍ പ്രവര്‍ത്തിക്കുന്ന സ്വകാര്യ കമ്പനികള്‍ക്ക് പുതിയ സംവിധാനം ഗുണം ചെയ്യും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
