March 19, 2024
March 19, 2024
ദോഹ: ഖത്തറിൽ റമദാൻ മാസത്തിൽ ഭക്ഷ്യസുരക്ഷ ഉറപ്പാക്കാൻ പൊതുജനാരോഗ്യ മന്ത്രാലയം (MoPH) നടപടികൾ ഊർജിതമാക്കി. വ്യോമയാന, കടൽ, കര മാർഗങ്ങളിലൂടെ ഇറക്കുമതി ചെയ്യുന്ന ഭക്ഷണങ്ങലും, പ്രാദേശിക ഭക്ഷണങ്ങളും അതിൻ്റെ ഔട്ട്‌ലെറ്റുകളും പരിശോധിക്കും. ഭക്ഷണ ഉൽപ്പന്നങ്ങളുടെ സുരക്ഷ ഉറപ്പാക്കുന്നതിന്റെ ഭാഗമായാണ് തീരുമാനം. ഹൈപ്പർമാർക്കറ്റുകൾ, കിച്ചണുകൾ, മറ്റ് ഭക്ഷണ സ്ഥാപനങ്ങൾ, ഉപഭോക്താക്കൾ ഏറ്റവുമധികം സന്ദർശിക്കുന്ന സ്ഥാപനങ്ങൾ, കശാപ്പ് കേന്ദ്രങ്ങൾ എന്നിവയിൽ നിരീക്ഷണം ശക്തമാക്കിയിട്ടുണ്ട്.
ഈ വർഷം തുടക്കത്തിൽ, 53,45,34,971 കിലോഗ്രാം ഭക്ഷണമാണ് രാജ്യത്ത് ഇറക്കുമതി ചെയ്തത്. ഇതിൽ 40,46,21,442 കിലോഗ്രാം ഭക്ഷണങ്ങൾക്ക് അനുമതി നൽകി. എന്നാൽ 73,22,183 കിലോഗ്രാം ഭക്ഷണങ്ങൾ നിരസിക്കുകയും 10,311 കിലോഗ്രാം ഭക്ഷണങ്ങൾ സാങ്കേതിക ചട്ടങ്ങളുടെയും മാനദണ്ഡങ്ങളുടെയും ആവശ്യകതകൾ ലംഘിച്ചുവെന്ന് തെളിയിക്കപ്പെട്ടതിന് ശേഷം നശിപ്പിക്കുകയും ചെയ്തു.
ഖത്തറിലേക്കുള്ള ഭക്ഷ്യ ചരക്കുകളുടെ എണ്ണം വർധിച്ചതിനാൽ, കര, കടൽ, വ്യോമ തുറമുഖങ്ങളിൽ ഫുഡ് ഇൻസ്പെക്ടർമാരുടെ എണ്ണം വർധിപ്പിച്ചിട്ടുണ്ട്. തുറമുഖങ്ങളിലെ ആരോഗ്യ യൂണിറ്റുകളും ഷിഫ്റ്റ് സംവിധാനത്തിൽ 24 മണിക്കൂറും പ്രവർത്തിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
