November 12, 2023
November 12, 2023
ദോഹ: ഖത്തറില് നടക്കാനിരുന്ന മലയാള ചലച്ചിത്ര ലോകത്തെ താരാരാജാക്കന്മാരായ മമ്മൂട്ടിയും മോഹന്ലാലും മറ്റ് പ്രമുഖ താരങ്ങളും പങ്കെടുക്കുന്ന 'മോളീവുഡ് മാജിക്' താരനിശ മാറ്റിവെച്ചു. പരിപാടി മാറ്റിവെച്ചതായി സംഘാടകരായ നൈന് വണ് ഇവന്റ്സ് (nineone events) സാമൂഹിക മാധ്യമങ്ങളിലൂടെ അറിയിച്ചു. ഖത്തര് സാംസ്കാരിക മന്ത്രാലയത്തിന്റെ നിര്ദേശ പ്രകാരമാണ് പരിപാടി മാറ്റിയതെന്നും പുതിയ തീയതി ഉടന് അറിയിക്കുമെന്നും സംഘാടകര് അറിയിച്ചു.
കേരള ഫിലിം പ്രൊഡ്യൂസേഴ്സ് അസോസിയേഷനുമായി സഹകരിച്ച് നവംബര് 17 വെള്ളിയാഴ്ച വൈകിട്ട് 6.30 മുതല് ഖത്തര് 974 സ്റ്റേഡിയത്തിലായിരുന്നു പരിപാടി നിശ്ചയിച്ചിരുന്നത്. റിഹേഴ്സല് അടക്കം ആരംഭിച്ചിരുന്ന പരിപാടിയുടെ ഭൂരിഭാഗം ടിക്കറ്റുകളും ക്യൂ ടിക്കറ്റ്സ് വഴി വിറ്റുപോയതായാണ് വിവരം.
അതേസമയം ഫലസ്തീന് സംഘര്ഷത്തില് ഐക്യദാര്ഢ്യം പ്രഖ്യാപിച്ച് ഖത്തറില് സാംസ്കാരിക പരിപാടികള് മിക്കതും മാറ്റിവെച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F