November 12, 2023
November 12, 2023
ദോഹ: ഖത്തറിൽ തൊഴിൽ മന്ത്രാലയത്തിന്റെ ഇലക്‌ട്രോണിക് സേവനങ്ങളിൽ രണ്ട് പുതിയ അപ്‌ഡേറ്റുകൾ അവതരിപ്പിച്ചതായി തൊഴിൽ മന്ത്രാലയം അറിയിച്ചു. മന്ത്രാലയത്തിന്റെ സേവനങ്ങൾ മെച്ചപ്പെടുത്തുന്നതിനും ഇടപാടുകൾ വേഗത്തിലാക്കുന്നതിനും നടപടിക്രമങ്ങൾ ലളിതമാക്കുന്നതിനുമുള്ള ഡിജിറ്റൽ പരിവർത്തന യത്നത്തിന്റെ ഭാഗമായാണ് പുതിയ അപ്ഡേറ്റ് എന്നും മന്ത്രാലയം വ്യക്തമാക്കി.
പുതിയ അപ്ഡേറ്റ് അനുസരിച്ച്, ലേബർ റിക്രൂട്ട്‌മെന്റ് ഓഫീസ് ലൈസൻസ് പുതുക്കാനോ റദ്ദാക്കാനോ മന്ത്രാലയത്തിന്റെ വെബ്‌സൈറ്റിലൂടെ ഇനി സാധിക്കും. ലേബർ റിക്രൂട്ട്‌മെന്റ് ഓഫീസുകളുടെ ഉടമകളും ജീവനക്കാരും അവരുടെ ലൈസൻസുകൾ കാലഹരണപ്പെടുന്നതിന് കുറഞ്ഞത് ഒരു മാസം മുൻപെങ്കിലും തൊഴിൽ മന്ത്രാലയത്തിന്റെ വെബ്‌സൈറ്റ് വഴി ലൈസെൻസ് പുതുക്കുന്നതിന് അപേക്ഷിക്കണം. ലൈസെൻസ് പുതുക്കാൻ സ്ഥാപനത്തിന്റെ സാധുവായ ഐ.ഡിയും, വാണിജ്യ രജിസ്ട്രേഷനും ഉണ്ടായിരിക്കണം. കൂടാതെ, ഉടമയ്ക്ക് നിരോധനങ്ങളോ വ്യക്തിഗത വിലക്കുകളോ പാടില്ല, സജീവമായ പുതുക്കൽ അഭ്യർത്ഥനകളോ ഓഫീസിനെതിരെ പരാതികളോ ഉണ്ടായിരിക്കരുത്.
അതേസമയം, ലേബർ റിക്രൂട്ട്‌മെന്റ് ഓഫീസ് ലൈസൻസ് റദ്ദാക്കാൻ സ്ഥാപനത്തിന് വിലക്കുകളോ ഓഫീസിനെതിരെ പരാതികളോ പാടില്ല. നിലവിലെ ഉടമയ്ക്ക് വ്യക്തിപരമായ വിലക്കുകളോ ഉണ്ടായിരിക്കരുത്. ഖത്തറിലെ ഒരു ഔദ്യോഗിക പത്രത്തിൽ ഓഫീസ് അടച്ചുപൂട്ടുന്നതായി പ്രഖ്യാപനം നടത്തണം. അടച്ചുപൂട്ടൽ പ്രഖ്യാപനം നടത്തി ഒമ്പത് മാസത്തിന് ശേഷം അപേക്ഷ സ്വീകരിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
