October 15, 2023
October 15, 2023
ദോഹ: ഖത്തറിൽ മിയ ബസാര് ഒക്ടോബര് 20 മുതല് മിയാ പാര്ക്കില് ആരംഭിക്കും. മ്യൂസിയം ഓഫ് ഇസ്ലാമിക് ആര്ട്ട് (എം.ഐ.എ) ആതിഥേയത്വം വഹിക്കുന്ന മേള മാര്ച്ച് വരെ തുടരും. ഖത്തറിലെ താമസക്കാര്ക്ക് പുറമെ സന്ദര്ശകരേയും ഒരുപോലെ ആകര്ഷിക്കുന്ന ബസാറില് വിവിധ കലാപരിപാടികളും അരങ്ങേറും.
ഖത്തറിന്റെ സമ്പന്നമായ പൈതൃകത്തിന്റെ ആഘോഷമാണ് മിയാ ബസാര്. പ്രദേശിക പ്രതിഭകളുടെ കലാപ്രകടനങ്ങളുടെ പ്രദര്ശനത്തിനും മേളയിൽ വേദിയൊരുക്കും. കരകൗശല വസ്തുക്കളുടെ പ്രദര്ശനം, ആഭരണങ്ങള്, തുണിത്തരങ്ങള്, പരമ്പരാഗത ഉത്പ്പന്നങ്ങള് എന്നിവയുടെ പ്രദര്ശനവും ഉണ്ടാകും. വ്യത്യസ്തമായ ഭക്ഷണങ്ങള് ആസ്വദിക്കാനുള്ള അവസരവും ബസാറില് ഒരുക്കും. പ്രായഭേദമന്യേ എല്ലാവര്ക്കും ആസ്വദിക്കാന് കഴിയുന്ന അനുഭവമായിരിക്കും മിയാ ബസാര് പ്രദാനം ചെയ്യുക. പ്രവേശനം സൗജന്യമാണ്. വെള്ളിയാഴ്ചകളില് ഉച്ചയ്ക്ക് 2മണി മുതല് രാത്രി 10 മണി വരെയും, ശനിയാഴ്ചകളില് രാവിലെ 10 മണി മുതല് രാത്രി 8 മണി വരെയുമാണ് പ്രവേശനം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU