December 28, 2023
December 28, 2023
ദോഹ: ഖത്തറിലെ ലുസൈല്‍ ബൊളിവാര്‍ഡ് പ്രധാന റോഡ് ഞായറാഴ്ച (ഡിസംബര്‍ 31) മുതല്‍ ഫെബ്രുവരി 17 വരെ അടച്ചിടുമെന്ന് അധികൃതര്‍ അറിയിച്ചു. സോഷ്യല്‍ മീഡിയ അക്കൗണ്ടിലൂടെ ലുസൈല്‍ സിറ്റി അധികൃതരാണ് ഇക്കാര്യം അറിയിച്ചത്. വരാനിരിക്കുന്ന പരിപാടികള്‍ക്കുള്ള സജ്ജീകരണങ്ങള്‍ക്കായാണ് പ്രധാന റോഡ് അടയ്ക്കുന്നതെന്ന് ഇന്റസ്റ്റഗ്രാം അടിക്കുറിപ്പില്‍ അധികൃതര്‍ വ്യക്തമാക്കി. ഇത് സംബന്ധിച്ചുള്ള മറ്റ് വിവരങ്ങള്‍ വെളിപ്പെടുത്തിയിട്ടില്ല.
അതേസമയം പുതുവത്സരോഘോഷങ്ങളുടെ ഭാഗമായി ലുസൈല്‍ ബൊളിവാര്‍ഡില്‍ ആഘോഷപരിപാടികള്‍ പ്രഖ്യാപിച്ചിട്ടുണ്ട്. വെടിക്കെട്ട്, ലേസര്‍ ഷോ, ഫുഡ് ഫെസ്റ്റ് എന്നിവ സന്ദര്‍ശകര്‍ക്കായി ഒരുക്കും. ഡിസംബര്‍ 31 മുതല്‍ ജനുവരി ഒന്ന് വരെ രണ്ട് ദിവസങ്ങളില്‍ പരിപാടി നടക്കുമെന്ന് ലുസൈല്‍ അധികൃതര്‍ സോഷ്യല്‍ മീഡിയയില്‍ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
