October 04, 2023
October 04, 2023
ദോഹ: ഖത്തറിൽ പുസ്തകമേള വരുന്നു. ഒക്ടോബർ 13 മുതൽ 20 വരെ കൾച്ചറൽ വില്ലേജ് ഫൗണ്ടേഷനായ കത്താറയിലാണ് പ്രദർശനം സംഘടിപ്പിക്കുന്നത്. കത്താറ പുസ്തക ഫെസ്റ്റിവലിന്റെ 9-ാമത് പതിപ്പാണിത്. ഖത്തറിലെ പ്രധാന പ്രാദേശിക ലൈബ്രറികൾക്ക് പുറമെ എല്ലാ പ്രസിദ്ധീകരണ സ്ഥാപനങ്ങളും കത്താറ പുസ്തകമേളയിൽ പങ്കെടുക്കും. ലോക നോവൽ വീക്കിന്റെ ഭാഗമായാണ് പുസ്തകമേള സംഘടിപ്പിക്കുന്നത്.
ഖത്തറിലെ വായനക്കാരുടെ പ്രവേശനം സുഗമമാക്കുക, പുതിയ പ്രസിദ്ധീകരണങ്ങൾ നിലനിർത്തുക, പൊതുജനങ്ങൾക്കിടയിൽ വായനാ സംസ്കാരം പ്രോത്സാഹിപ്പിക്കുക തുടങ്ങിയവയാണ് പുസ്തകോത്സവത്തിലൂടെ ലക്ഷ്യമാക്കുന്നത്. അറബി സാഹിത്യത്തിലെ എല്ലാ കലാരൂപങ്ങളും കവിതകളും ഫിക്ഷൻ നിരൂപണങ്ങളുമെല്ലാം പുസ്തകോത്സവത്തിലുണ്ടാകും.
അതേസമയം, കത്താറ ആർട്ട് സ്റ്റുഡിയോയിൽ വെള്ളിയാഴ്ച (ഒക്ടോബർ 6) വൈകുന്നേരം 4 മുതൽ രാത്രി 9 വരെ വിവിധ കരകൗശല വിദഗ്ധരുടെയും കലാകാരന്മാരുടെയും പ്രദർശനമുണ്ടാകും. പുരാവസ്തുക്കൾ, ആഭരണങ്ങൾ, പെയിന്റിംഗുകൾ, ഡ്രോയിങ്ങുകൾ, പരമ്പരാഗത വസ്ത്രങ്ങൾ, ഗൃഹാലങ്കാരങ്ങൾ, ഫോട്ടോഗ്രാഫി എന്നിവയും പ്രദർശിപ്പിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV