January 21, 2024
January 21, 2024
ദോഹ: മാപ്പിളപ്പാട്ട് മേഖലയിലെ പ്രശസ്തരായ പഴയ കാല ഗാനരചയിതാക്കളെയും ഗായകരെയും സംഗീത സംവിധായകരെയും പുതിയ തലമുറക്കു പരിചയപ്പെടുത്തുന്ന ഇശൽ വസന്തം ടി.വി പരിപാടിയുടെ പ്രോമോ വീഡിയോ ദോഹ സൈത്തൂൻ റസ്റ്റോറൻറ് ഹാളിൽ പ്രമുഖ സാമൂഹിക സാംസ്കാരിക പ്രവർത്തകനും, അലി ഇന്റർനാഷണൽ മാനേജിംഗ് ഡയറക്ടറുമായ കെ. മുഹമ്മദ് ഈസ പ്രകാശനം ചെയ്തു. ഇശൽ വസന്തം പ്രോഗ്രാം സാരഥികളായ ഷമീർ ഷർവാനി, ഫൈസൽ എളേറ്റിൽ, ജ്യോതി വെള്ളല്ലൂർ എന്നിവർ സംബന്ധിച്ചു.
ദോഹയിലെ സാമൂഹിക സാംസ്കാരിക മേഖലകളിലെ പ്രഗത്ഭ വ്യക്തിത്വങ്ങൾ പരിപാടിയിൽ പങ്കെടുത്തു.
മാപ്പിളപ്പാട്ട് സംഗീത മേഖലയിൽ മികച്ച ഗാനങ്ങൾ സമ്മാനിച്ച അതുല്യ പ്രതിഭകളെ പരിചയപ്പെടാനും അവരുടെ സംഗീതാനുഭവങ്ങൾ പുതിയ തലമുറക്കു പകർന്ന് നൽകാനുമായി ആരംഭിക്കുന്ന സംഗീത പരമ്പരയിലൂടെ മൺമറഞ്ഞുപോയ പ്രശസ്തരായ ഗാനരചയിതാക്കൾ, സംഗീത സംവിധായകർ, ഗായകർ എന്നിവരുടെ ജീവിതവും കാലഘട്ടവും ഓർത്തെടുക്കുന്നതാണ് ഇശൽ വസന്തം.
2024 ഏപ്രിൽ മാസം മുതൽ പ്രമുഖ ടെലിവിഷൻ ചാനലിൽ ആഴ്ചയിൽ രണ്ട് എപ്പിസോഡുകളിലായി പരിപാടി സംപ്രേഷണം ചെയ്യുമെന്ന് ഇശൽ വസന്തം ടീം അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
