November 30, 2023
November 30, 2023
ദോഹ: ഖത്തറിൽ നിയമലംഘനങ്ങള്‍ക്ക് പിടിച്ചെടുത്ത വാഹനങ്ങൾ ലേലം ചെയ്യുന്നതായി ആഭ്യന്തര മന്ത്രാലയത്തിന്റെ പൊതു ലേല സമിതി അറിയിച്ചു. ഇൻഡസ്ട്രിയൽ ഏരിയയിലെ യാർഡിലാണ് ലേലം നടക്കുക. ഡിസംബർ 10 ന് ആരംഭിക്കുന്ന ലേലം രണ്ടാഴ്ചത്തേക്ക് തുടരും. വൈകുന്നേരം 3 മണി മുതൽ 6 മണി വരെയാണ് ലേലത്തിന്റെ സമയം.
ലേലത്തിൽ പങ്കെടുക്കാൻ താൽപ്പര്യമുള്ളവർ ഡിസംബർ 2 മുതൽ 7 വരെ, സ്ട്രീറ്റ് നമ്പർ 52, ഇൻഡസ്ട്രിയൽ ഏരിയ വെഹിക്കിൾ ഇമ്പൗണ്ട് യാർഡിൽ വാഹനങ്ങൾ പരിശോധിക്കാവുന്നതാണ്. വൈകുന്നേരം 3 മണി മുതൽ 6 മണി വരെയാണ് വാഹനങ്ങൾ പരിശോധിക്കാൻ അനുവദിക്കുന്ന സമയം.
അതേസമയം, മൂന്ന് മാസത്തിലധികമായി കസ്റ്റഡിയിലുള്ള വാഹനങ്ങളുടെ ഉടമകൾ പിഴയടച്ച് 30 ദിവസത്തിനുള്ളിൽ അവരുടെ വാഹനങ്ങൾ കൈപ്പറ്റണമെന്ന് മുന്നറിയിപ്പ് നൽകിയിരുന്നു. തിരിച്ചെടുക്കാത്ത വാഹനങ്ങൾ ലേലം ചെയ്യുമെന്ന് മന്ത്രാലയം സെപ്റ്റംബറിൽ പറഞ്ഞിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
